"Mereke kúnderi, sonyń ishinde jańa jyl merekesi kezinde biz árqashan pasıentterdiń úlken aǵymyn kútemiz. Birinshi kezekte, bul petardalar, otshashýlar jáne t.b. iske qosý kezinde alatyn jaraqattarmen baılanysty. Turmystyq jaraqattar bar. Sondaı - aq, ýlanyp túsetinderdiń de sany óte kóp", dedi B.Ospanov.
Sonymen birge, koronavırýspen baılanysty jaǵdaıdy eskere otyryp, B.Ospanov almatylyqtardy jappaı sharalardy ótkizýden bas tartýǵa, sonyń ishinde mereke kezinde baılanys jasaýdy shekteýge shaqyrdy.
"Biz jaqyndarymyzben, dostarymyzben aralasyp turǵandy jaqsy kóremiz, ásirese mereke kúnderi olarmen birge bolǵymyz keledi. Qurmetti azamattar, biz sizderden baılanystardy shekteýdi, osylaısha óz týystaryńyzdy qorǵaýdy, kóp jınalmaýlaryńyzdy suraımyz. Kópshilik is-sharalardy ótkizýden aýlaq bolý kerek. Vırýstyń baılanys jasaý jáne aýa tamshylary arqyly taralatynyn este ustaǵan jón. Betperde kıińiz, qolyńyzdy óńdeńiz, bólmelerdi dezınfeksııalańyz", degen bas dáriger turǵyndardy barlyq aldyn-alý sharalaryn saqtaýǵa shaqyrdy.
