Brıfıngte sóz bastaǵan "ADAL" partııasynyń ókili Ánýar Kerembaev osy servıstiń jumysyna jáne paıdalanýshylar tarapynan týyndaǵan birqatar suraqqa qatysty jaýap berdi.
"Osy mindetterdiń barlyǵyn qamtý úshin saıtty alty túrli blokqa bóldik. Ár bloktaǵy aqparatty qalyptastyratyn turǵyndardyń ózderi. Munda resmı aqparattan bólek, el turǵyndary arasynda saýalnama men ózge de áleýmettik zertteýler nátıjesi berilgen. Mysaly, Nur-Sultan qalasyn alatyn bolsaq, sizdiń aımaǵyńyzdyń máselesi blogynda qalanyń jalpy bıýdjeti, qaı salaǵa qansha jumsalatyny kórsetilgen. Osyndaı saýalnama nátıjesinde túzilgen ózekti máseleler de daýys sanyna qaraı reıtıngke ıe boldy. Saıtqa kirip siz de bul máseleniń qanshalyqty ózekti, ne ózekti emes ekenin laık, dızlaık basý arqyly bildire alasyz. Nátıjesinde qaı salaǵa kóbirek nazar aýdaryp, qarjy baǵyttaý qajet ekeni aıqyn bolady", deıdi Ánýar Kerembaev.
Ánýar Kerimbaev saıt tek aqparat taratyp qana qoımaı, eldiń túkpir-túkpirindegi ári-sári halyqtyń jeke bas máselesi, qoǵamdaǵy kúrmeýli máselelerdiń sheshimi tabylyp, partııa ókilderiniń nazaryna usynylatynyn alǵa tartady.
Oǵan qosa, jergilikti halyq jumyssyz retinde tirkelip, kásip ashý úshin ıdeıalar alý sekildi servıske qol jetkize alady eken. Osyǵan baılanysty partııanyń jergilikti ókilderi osy máselelerdi sheshý úshin jumys isteıdi. Saıttyń servıstik qyzmeti tómendegi máselelerdi qarastyrady:
1."Sizdiń aımaǵyńyzdyń máseleleri". О́ńirdiń eń ózekti máselelerin kórýge múmkindik beredi. Sonymen qatar, árbir jergilikti turǵyn osy nemese basqa máseleniń ózektiligi úshin daýys bere alady nemese saıtta áli aıtylmaǵan nárse týraly jaza alady. Aldaǵy ýaqytta barlyq ótinishter partııanyń óńirlik ókiline tikeleı jiberiletin bolady.
2."Jumys izdeý". Saýalnamany toltyrǵannan keıin paıdalanýshyǵa onyń ereksheligi boıynsha jumys usynylady. Eger qolaıly jumys tabylmasa, partııanyń aımaqtyq ókili bul adamnyń derekterin jumyspen qamtý organdaryna tapsyrady. Sondaı-aq, partııa jumyssyz retinde tirkelý jáne járdemaqy alý turǵysynan kómek kórsete alady.
3."Sizdiń aımaǵyńyzǵa arnalǵan bıznes-ıdeıalar". Partııa sarapshylary óńirlerdiń qajettilikterin taldap, QR ár óńiriniń bıznesi úshin bıznes jobalar tizimin jınady. О́z bıznesin ashqysy keletin paıdalanýshylar negizgi bıznes-jospardy dereý tegin júkteı alady, ony partııanyń aımaqtyq ókilderiniń kómegimen aıaqtaýǵa bolady.
4."Áleýmettik lıftiler". Bul qyzmet az qamtylǵan otbasylarǵa kómektesý úshin jasalǵan. Munda paıdalanýshylar partııa ókilderinen balalaryna arnalǵan oqý ornyn tańdaýdy suraýǵa múmkindik alady. Sondaı-aq, munda qajetti kómek suraýǵa bolady: jataqhanadaǵy oryn, tegin oqý múmkindigi jáne t.b. aımaqtyq ókil bul másele týraly birden bilip, ony sheshýge kómektesedi.
5."Adal-bagdar". Bul qyzmet ata-analarǵa balaǵa bolashaq professııany tańdaýǵa kómektesedi. Budan basqa, servıste 694 mamandyq boıynsha aqparat, kásiptiń egjeı-tegjeıli sıpattamasy, jumys erekshelikteri jáne t.b. bar 500 professıogramma usynylǵan.
6."ADAL aqparattyq-taldaý júıesi". Bul servıs Qazaqstannyń ınteraktıvti kartasy bolyp tabylady jáne óz eline jańasha kózqaraspen qaraýdy usynady. ADAL AAJ elimizdiń árbir turǵynyna óziniń eldi mekeni týraly, onyń problemalary, damý perspektıvalary, jumyssyzdyq aýqymy, halyqtyń negizgi tabys kózderi týraly aqparat alýǵa múmkindik beredi. Bıznes úshin servıs kásiporyndardyń negizgi qajettilikteri, jergilikti kásiporyndardyń júktelý deńgeıi jáne óńir qajet etetin ózekti taýarlar týraly aqparatty qarastyrady.
