Oqıǵa • 09 Jeltoqsan, 2020

«Qap-qara adam» «Altyn globýs» júldesinen úmitker

49 ret kórsetildi

Rejısser Ádilhan Erja­nov­tyń «Qap-qara adam» fıl­mi «Altyn globýs-2020» syı­­lyǵynyń «Sheteldiń úz­dik fılmi» nomınasııasyna úmitkerlerdiń tizimi­ne endi. Bul amerıkalyq júl­deni Gollıvýdtyń shetel baspasóz qaýymdastyǵy (HFPA) jyl saıyn kıno jáne telefılmderdegi úzdik ju­mys­tar úshin tabystaıdy.

«Altyn globýs» syılyǵy Gollıvýdta turatyn 90-ǵa jýyq ha­­lyqaralyq jýrnalısterdiń daýys berý nátıjesi boıynsha tań­da­la­dy. Atalǵan júlde álemdik kıno qaýymdastyǵynda «Oskardan» keıingi bedeldi syılyq sanalady.

Erjanovtyń týyndysymen qatar bıylǵy jyly úmitkerler tizi­mi­ne Tomas Ýınterberg, Agneshka Hol­land, Andreı Konchalovskıı, Verner Hersog, Matteo Garrone, Hırokadzý Koreeda, Naomı Kavase, Olıve Assaıas jáne t.b. álemdik kınematograf metrleriniń jańa fılmderi endi.

– Meniń oıymsha, fılmniń bul júldeden úmitkerler tizimine enýi – bizdiń prodıýserlerimizdiń jaqsy jumysyn kórsetedi. Sonymen birge «Qap-qara adam» komandasyn da quttyqtaımyn. Men bizdiń birlesken eńbegimizdiń nazardan tys qalmaǵanyna óte qýanyshtymyn, – dedi rejısser Ádilhan Erjanov.

Erjanovtyń kartınasyn Short Brothers (Qazaqstan) jáne Arizona Productions (Fransııa) kom­pa­nııa­la­ry­nyń qatysýymen Astana Film Fund (Qazaqstan) kompanııasy túsirgen. Fılmniń bas prodıýserleri Aqan Sataev pen Ernar Qurmashev. Basty rólderde Danııar Alshynov, Dınara Baqtybaeva jáne Teoman Hos syndy akterler oınady.

«Qap-qara adam» fılminiń álem­dik premerasy 2019 jyldyń 23 qyrkúıeginde Ispanııada ótti. Kar­tına San Sebastıandaǵy 67-shi Halyqaralyq kınofestıvaldiń ne­giz­gi konkýrstyq baǵdarlamasy aıasynda kórsetildi. 2019 jyldyń qarasha aıynda Ádilhan Erjanov «Qap-qara adam» fılmindegi jumy­sy úshin «Úzdik rejısser» nomınasııasy bo­­ıynsha «Asia Pacific Screen Awards -2019» (Azııalyq «Oskar») syılyǵyna ıe bolǵan.

Sonymen birge 2020 jyldyń kúzinde fılm Fransııada prokatqa shyǵyp, bul eldiń iri qalalaryndaǵy 60 kınoteatrda, sonyń ishinde Fran­sııa astanasy Parıjde 9 kınote­atr­­­­da kórsetildi. Sondaı-aq ja­qyn­da Reseıde ótken «Kınoshok» kıno­fes­tı­valinde fılm «Úzdik rejısser» (Ádilhan Erjanov) jáne «Úzdik akter» (Danııar Alshynov) sanattarynda marapattarǵa ıe boldy.

Bú­gingi qoǵam taqyrybyn ek­ran­­da jańǵyrtqan fılmdi qazaq­stan­dyq jáne reseılik onlaın-kınoteatrlardan kórýge bolady.

 

Sońǵy jańalyqtar

Qordyń qomaqty qoldaýy

Ekonomıka • Keshe

О́temaqyǵa ótinish ber

Ekonomıka • Keshe

Qymbatshylyq qaıda aparady?

Ekonomıka • Keshe

Otbasynda – 36 bala

Qoǵam • Keshe

Gazben tolyq qamtylǵan aýdan

Aımaqtar • Keshe

Sý basýdyń qaýip-qateri

Aımaqtar • Keshe

Tumaýdan saq bolyńyz!

Medısına • Keshe

Kúre joldaǵy apat

Aımaqtar • Keshe

Aqparattyq júıedegi aımaq

Aımaqtar • Keshe

Seni osylaı súıemin

Ádebıet • Keshe

Aǵash adam

Ádebıet • Keshe

Asyldyń synyǵy

Aımaqtar • Keshe

Uqsas jańalyqtar