- Elbasymyzdyń «Áıelder Táýelsizdik jyldarynyń bárinde meniń eń senimdi tiregim boldy» degen sózi bar. Búginde áıelder qaýymy otbasynyń uıytqysy bolyp qana qoımaı, Táýelsiz Qazaqstannyń damýyna úles qosyp, qoǵamdyq-saıası, áleýmettik-ekonomıkalyq jáne rýhanı-mádenı salada tabysty eńbek etip keledi. Qazaqstan Respýblıkasy Parlament Senatyna alǵash ret Aqmaral Álnazarova saılansa, Májiliste jerlesterimiz Balaıym Kesebaeva men Natalıa Jumadildaevalar bar. Sonymen birge, bıylǵy jyly oblystyq basqarmalardaǵy áıel basshylardyń sany 1-den 6-ǵa kóbeıdi. Al, aýmaqtyq departamentterdegi birinshi basshylyqta 5 áıel otyr. Bul basqarma, departament basshylarynyń 21,5 paıyzyn quraıdy, - dedi Gúlshara Ábdiqalyqova.
Oblysta ekonomıkalyq belsendi halyqtyń úlesi 452 myńnan asa, onyń ishinde 217 myńnan astamy áıelder. Sondaı-aq, medısına qyzmetkerleriniń 87, pedagogtardyń 73, jalpy bıýdjettik sala qyzmetkerleriniń 60 paıyzyn óyz-kelinshekter quraıdy.
Oblysymyzda 54 157 shaǵyn jáne orta kásipkerlik sýbektisi tirkelgen bolsa, olardyń arasynda áser áıelderdiń de úles aıtarlyqtaı. «Eńbek» memlekettik baǵdarlamasy jáne «Qyzylorda» óńirlik ınvestısııalyq ortalyǵy arqyly 95 kásipker áıelge tómen paıyzben nesıeler berildi.
Bızneske kópbalaly analar da tartylýda. «Eńbek» baǵdarlamasy boıynsha bıznes-ıdeıalardy iske asyrýǵa 602 kópbalaly ana grant aldy.
Kezdesý barysynda oblystyń qurmetti azamaty, «Urpaqtan urpaqqa» qoǵamdyq birlestiginiń tóraıymy Almagúl Bojanova, oblystyq áıelder keńesiniń tóraıymy Raıkúl Baınazarova, «Boıtumar - Hanym» qoǵamdyq birlestiginiń tóraıymy Rahıma Ahmetova, oblystyq Isker áıelder Assosıasııasynyń tóraıymy Manat Almasheva, oblystyq Qazaqstan halqy Assambleıasy janyndaǵy Analar keńesiniń tóraıymy, «Syr analary» qoǵamdyq qorynyń quryltaıshysy, «Tilderdi oqytý ortalyǵy» MKQK dırektory Nursaýle Musaeva, oblystyq kásipkerler palatasy janyndaǵy Isker áıelder keńesi tóraıymynyń orynbasary, «Beauty academy by Dinara Almussayeva» ásemdik mektebiniń dırektory Dınara Almýsaeva, «Sát servıs» JShS dırektory Roza Imanova, «Kazspesstroıekspertıza» JShS dırektory Gúlzagıra Ábdiraıymova, «As-Ka» JShS dırektory Dana Mahatova, «Qyzylorda» optomarketiniń quryltaıshysy Neılıa Jýsýpova, jeke kásipkerler Aqmaral Álibaeva, Gúldana Bısenova, Janat Toqmeıilova, Ulbazar Ábilda jáne kópbalaly ana Ásem Baımahanova oblys ákiminiń Alǵys hatymen marapattaldy.
Sharaǵa qatysýshylar áıelderdiń qoǵamdyq-saıası ómirdegi roli, otbasy qundylyǵyn nasıhattaý jáne jas otbasylardyń arasyndaǵy ajyrasýlardyń aldyn-alý baǵytyndaǵy jumystar, kópbalaly analarǵa berilip jatqan qoldaýlar, qarapaıym zattar ekonomıkasy, agrarlyq sektordaǵy áıelder birlestigi jáne basqa da mańyzdy máseleler týraly aıtyp, pikirlerin bildirdi.
Aıta keteıik, kezdesýde kásipker qyz-kelinshekter jasaǵan ónimderden kórme uıymdastyryldy.
