О́ner • 10 Jeltoqsan, 2020

Týǵan jer – altyn besigim

65 ret kórsetildi

Tuńǵysh Prezıdent – Elbasy kitaphanasy mýzeıinde «Týǵan jerim» XV halyqaralyq beıneleý óneri baıqaýynyń kórmesi ótti. Atalǵan joba jas sýretshilerdiń shyǵarmashylyq áleýetin arttyrýǵa, balalar shyǵarmashylyǵyn nasıhattaýǵa baǵyttalyp otyr.

Jıyndy ashqan Elbasy kitap­hanasynyń dırektory Ámirhan Ra­hym­janov bıylǵy kezeńniń tek qazaq­standyqtar úshin ǵana emes, kúlli álem halqyna ońaıǵa soqpaǵanyn, áıtse de qalypty jaǵdaıǵa bet buryp kele jatqanyn tilge tıek etti.

Baıqaýdy Elbasy kitaphanasy, «Baıta» qory, «Qulanshy» ortalyǵy jáne Nur-Sultan qalasynyń Balalar kórkemsýret mektep – IýNESKO klýby birlese uıymdastyrdy. Qazylar alqa­syna Qazaqstannan bólek, Reseı, Tatar­stan, Bashqurtstan, О́zbekstan, Ýkraına, Ázerbaıjan jáne Belarýs elderinen 400-ge jýyq týyndy usy­nyldy. Jeńimpazdarǵa dıplom men estelik syılyq tabystaldy.

«О́nerli balaqaılarǵa qoldaý bil­dirgenderińiz úshin alǵys bildirgim keledi. Biz osy balalardyń bir arma­nyn oryndadyq. Endi olar óz kúsh­terine senip, odan ári ushtala túsetin­digine kámil senimdimin», dep atap ótti «Baıta» qorynyń jetekshisi Svetlana Mahat.

Joba jumys istep kele jatqan 15 jyldan astam ýaqyt ishinde dástúrli keskindeme, grafıka, músinnen bastap sándik-qoldanbaly ónerdiń túrli salalaryna deıin jumystardy qarastyrdy. Jas talanttarǵa olardyń Otan týraly túsinikterin, dástúr sabaqtastyǵyn, óz halqynyń mádenı ereksheligin kórsetetin taqyryptar usynyldy.

«Týǵan jerim» baıqaýynyń ma­ńyzdylyǵy men tanymaldylyǵy jaıly 15 jyldyq tarıhynyń ózi aıtyp tur. Jyl ótken saıyn aýqymy ke­ńeıip, qarqyndy damyp keledi. Ja­handyq pandemııaǵa qaramastan, osy kórmeni Tuńǵysh Prezıdent mýzeıinde ótkizý arqyly biz ónerge eshqandaı tusaý joq ekendigine taǵy bir kóz jetkizip otyrmyz», dedi «Qulanshy» zamanaýı óner ortalyǵynyń kýratorlyq keńes tóraıymy.

Baıqaý laýreattarynyń jumystary qalyń kórermenge jeltoqsan aıynda usynylady. Kórmege kelýshiler túrli elderdiń jas sýretshileriniń óner týyn­dylaryn kórip, tamashalaı alady. Kór­me 2021 jyldyń 25 qańtaryna deıin jalǵasady.

Sońǵy jańalyqtar

Demalys kúnderi aýa raıy qandaı bolady

Aýa raıy • Búgin, 13:38

Reseıde oq-dári qoımasy órtendi

Oqıǵa • Búgin, 11:50

Búgingi valıýta baǵamy

Qarjy • Búgin, 10:17

Elimizde 9,5 mln adam ekpe saldyrdy

Koronavırýs • Búgin, 09:49

COVID-19: Elimizde 1338 adam emdelip shyqty

Koronavırýs • Búgin, 09:08

Qaıta kesilgen tusaý

Aımaqtar • Búgin, 08:58

Boz kilemde – burymdylar

Sport • Búgin, 08:55

«Barys» jeńiske jetti

Sport • Búgin, 08:54

Elenanyń ekpini kúshti

Sport • Búgin, 08:53

Uqsas jańalyqtar