Robot qurastyryp, dron ushyrǵan aýyl balalary jańa tehnologııany meńgere bastady

Dırektordyń mindetin atqarýshy Meıramgúl Aıa­ǵanovanyń aıtýynsha, bul mektep eki jyl buryn paıdalanýǵa berildi. Qazir munda 424 oqýshy bilim alady. Mektepte qosymsha kadet synyby, óndiristik, tigin sheberhanalary, gımnastıka ortalyǵy men TIR alańy bar. Oqýshylar shyǵar­mashylyǵyn damytý maqsatynda16 úıirme men 4 klýb ashylypty.

Bul bilim ordasynyń aýdandaǵy ózge mektepterden bir ózgesheligi bar. Munda jańashyl ustazdar da, oıy júırik, qoly sheber oqýshylar da kóp. Máselen, hımııa pániniń muǵalimi Aqynta Bısembıeva byltyr respýblıkalyq ǵylymı jobalar baıqaýyna qatysyp, jeńimpaz atandy. Sóıtip, júldege STEM zerthanany utyp aldy. Shákirtteriniń jańa tehnologııalardy jetik meńgerip, bilimdi bol­ǵanyn qalaıtyn ustaz osy zamanǵy zerthanany ózi eńbek etetin mektepke syılady.

– Bıylǵy qańtardan beri 30 oqýshy jańa zerthanada qosymsha bilim ala bastady. Munda joǵary synyptyń oqýshylary arnaıy baǵdarlama júktelgen 3D prınterdiń kómegimen telefon tireýishin, qu­my­ralar men erekshe for­mattaǵy Abaı kitabyn, bre­loktar, me­daldar jasap shyǵardy. Oqýshylar qurastyrǵan dron ádet­tegideı áýede ushady. Tipti sý betinde júzip, vıdeo túsiredi. Dronnyń áýede ushý jyldamdyǵy sekýndyna 1,5 metr. Al sý be­tinde sekýndyna 2,5 metrge deıin júzedi. Ázirge eks­perıment túrinde quras­tyrylǵan dronnyń qýaty 6 mınýtqa jetedi. Keıin qaıta qýattaýǵa bolady. Sonymen birge oqý­shylar aǵash stanogymen, 3D noýt­býkpen jumys isteýdi úırenýde, – deıdi STEM zert­hananyń laboranty Láıla Shyńdybaeva.

Onyń aıtýynsha, oqý­shylar STEM zertha­nada úsh túrli fýnksııa at­qa­ratyn robottar quras­ty­rypty. Máselen, Mbot roboty ózdiginen burylyp, túrli kedergiden óte alady. Ekinshi robot áýenmen qozǵalady. Úshinshi robot arnaıy baǵdarlama arqyly syzylǵan syzbalar boıymen júredi.

– STEM zerthana ma­tematıka, ınjenerııa ba­ǵytyndaǵy osy za­man­ǵy teh­nologııalyq izde­nis­ter­­ge baǵyttalǵan. Jo­ǵa­­­­ry synyptyń oqýshy­la­ry robottardy quras­ty­ra­dy. Tómengi synyp oqý­­­shy­lary dron men ro­bot qurastyrýdyń tá­silderin úırenip jatyr, – deıdi Saǵyz orta mektebi dı­rek­torynyń mindetin at­qa­rýshy Meıramgúl Aıa­ǵa­nova.

Al Baqyt Qoıshyǵalı jetekshilik etetin úıirmede 20-dan astam oqýshy klassıka, estrada jáne ulttyq bı baǵytynda dáris alady. Qazirdiń ózinde balǵyn bıshilerdiń onlaın-formatta ótip jatqan «Jaryq juldyz» konkýrsynda shoqtyǵy bıik tur.

Atyraý oblysy,

Qyzylqoǵa aýdany