«Ulttyq valıýtanyń nyǵaıýyna eksporttaýshylardyń salyq tólemderin júzege asyrý úshin shetel valıýtasyn satýy esebinen ósken ishki usynyspen qatar qolaıly ishki konıýnktýra áser etti. Birden birneshe vaksınany sátti synaqtan ótkizý týraly habar jáne AQSh-ta prezıdenttik bılikti formaldy ótkizýdi bastaý táýekeldi aktıvterge suranysty ulǵaıtty», - dedi Dosaev Úkimet otyrysynda.
Sonymen qatar ulttyq bank tóraǵasy munaı baǵasy qarashada bir barelli úshin 37,5 dollardan 47,6 dollarǵa deıin 27%-ke óskenin aıtty.
«OPEK+ óndirýdi meılinshe qalypty qarqynmen ulǵaıtý sheshiminen keıin jeltoqsanda munaıǵa baǵa belgileý senimdi ósip keledi. 2020 jyldyń jeltoqsanynyń basynan beri brent 9 jeltoqsanǵa deıin 2,7%-ke bir barreli úshin 48,86 AQSh dollaryna deıin ósti», - dedi ol.
Ulttyq bank tóraǵasynyń aıtýynsha, AQSh dollary ındeksiniń tómendeýi damýshy elder valıýtalarynyń dınamıkasyna oń áser etkenin aıtty. Mysaly, Brazılııa realy bir aıda – 6,6%-ke, túrik lırasy – 6,2%-ke, Ońtústik Afrıka randy men Meksıka pesosy – 4,7%-ke, Reseı rýbli 3,7%-ke nyǵaıdy.
Aıta keteıik, qarashada aıyrbastaý baǵamy taǵy da 1,2%-ke nyǵaıyp, 9 jeltoqsanda bırjadaǵy saýda-sattyqtyń qorytyndysy boıynsha bir AQSh dollary úshin 419,92 teńge boldy.
