Keden zańnamasyna sáıkes, gýmanıtarlyq júk kedendik alymdardy tóleýden bosatylady («Qazaqstan Respýblıkasyndaǵy kedendik retteý týraly» Kodekstiń 80, 336-baptary). Alaıda, taýarlar keıinnen jeke kompanııamen gýmanıtarlyq maqsattarǵa emes, basqa maqsattarǵa paıdalanylǵan.
Mundaı jaǵdaılarda kompanııa kedendik tólemder men salyqtardy tóleýi qajet. Naqty bul jaǵdaıda atalǵan tólem 40 mln teńgeden astam somany qurady. Kináli tulǵalarǵa qatysty qylmystyq is QR QK 236-babynyń 1-bóligi (kedendik bajdardy, kedendik alymdardy, salyqtardy tóleýden jaltarý...) boıynsha SDTBT-de tirkelip, Almaty qalasy boıynsha Ekonomıkalyq tergeý departamentimen tergelýde.
Basqa jaǵdaıda, kólik prokýrorlary shyǵarýǵa shektelgen taýarlardy elden tys jerlerge eksporttaý faktisiniń jolyn kesti. Atap aıtqanda, kompanııa 140 mln teńgeden astam somaǵa medısınalyq jeke qorǵaný quraldaryn (qorǵanysh kostıýmderin) shet memleketke shyǵarýǵa tyrysqan.
Atalǵan fakti Qylmystyq kodekstiń 234-baby 2-bóligi 4-tarmaǵy (ekonomıkalyq kontrabanda) boıynsha SDTBT-de tirkeldi. 10-qarashada Túrksib aýdandyq sotynyń úkimimen kináli adamǵa 1 jyl 6 aı merzimge bas bostandyǵyn shekteý jazasy taǵaıyndaldy.
