5 jeltoqsanda esirtki qylmysyna qarsy is-qımyl basqarmasynyń qyzmetkerleri Jambyl oblysy polısııa departamentiniń Krımınaldyq polısııa basqarmasymen birlesip jedel – izdestirý is-sharalaryn júrgizý kezinde Shý aýdany Qonaev aýylynyń 60 jastaǵy turǵynyn ustaǵan. Onyń úıin tintý barysynda saraıdan jalpy salmaǵy 22 keli “keptirilgen marıhýana” esirtki quralymen bes qap tabylyp, tárkilengen.
"Ustalǵan azamat óz kinásin tolyq moıyndady. Qazirgi tańda Shý aýdanynyń ÝUI-ne qamaýǵa alyndy, QR QK 297-baby 3-bóligi (Esirtki zattaryn ótkizý maqsatynda zańsyz saqtaý) boıynsha sotqa deıingi tergeý bastaldy", delingen habarlamada.
