Onda jemqorlyqtyń aldyn alý jáne básekelestikti qorǵaý jáne monopolıstik qyzmetti shekteý salasyndaǵy parasattylyq qaǵıdattaryn ilgeriletý máseleleri talqylandy.
Onlaın-baılanys arqyly ótken is-sharaǵa monopolııaǵa qarsy organnyń basshylyǵy, eki vedomstvonyń aýmaqtyq bólimsheleri, sondaı-aq, Sybaılas jemqorlyqqa qarsy qyzmettiń janyndaǵy qoǵamdyq konsýltatıvtik-keńesshi organdardyń ókilderi qatysty.
Kezdesý barysynda qatysýshylar «Adaldyq alańy» jobalyq keńseleriniń barlyq memlekettik organdarda ashylýynyń mańyzdylyǵyn atap ótti.
Olardyń maqsaty – sybaılas jemqorlyq táýekelderin tıimdi taldaý jáne sybaılas jemqorlyqqa qarsy monıtorıng negizinde naqty vedomstvoaralyq aldyn alý júıesin qamtamasyz etý, sondaı-aq qol jetimdilik, ashyqtyq jáne tutynýshylarǵa beıimdelgen halyqqa jaıly jaǵdaılar jasaý.
Agenttik Tóraǵasynyń orynbasary Nurlan Shabdar Básekelestikti qorǵaý jáne damytý agenttiginiń basymdyǵy – bul saladaǵy sybaılas jemqorlyqtyń tómendigi men bir ǵana memlekettik qyzmettiń bolýy ekenin atap ótti.
«Saladaǵy sybaılas jemqorlyqqa qarsy is-qımyldyń oń nátıjesin budan ári de jetildirý úshin, oǵan qarsy ınfraqurylym qurýǵa nazar aýdarý qajet, onyń ishinde, azamattyq qoǵammen ózara is-qımyl jasaý jáne adaldyq pen halyqqa qyzmet etý qaǵıdattaryn ustanbaıtyn qyzmetkerler qataryn tazartý sııaqty máselelerge erekshe kóńil bólý kerek», deıdi N.Shabdar.
О́z kezeginde, monopolııaǵa qarsy organ Tóraǵasynyń birinshi orynbasary Rýstam Ahmetov qurylǵan «Adaldyq alańy» jobalyq keńsesi aıasynda Agenttiktiń árbir baǵyty boıynsha qoǵamdyq monıtorıng júrgizilip, qoǵamdyq bastamalar basymdyqqa ıe bolatynyn atap ótti.
«Men Sybaılas jemqorlyqqa qarsy qyzmetpen birlesken jobalyq keńse Agenttikte adaldyq pen qoljetimdilik qaǵıdattaryn nyǵaıtýǵa serpin beredi dep senemin», dedi R.Ahmetov.
Kezdesý sońynda «Qazaqstan Respýblıkasynyń Básekelestikti qorǵaý jáne damytý agenttigi – Adaldyq alańy» jobalyq keńsesiniń jarǵysyna qol qoıyldy.
Qoǵamdyq jáne buqaralyq aqparat quraldarynyń ókilderinen qurylǵan jobalyq top pen sarapshylar keńesi usynystar jınap, turmystyq sybaılas jemqorlyqty joıý ıdeıalarynyń tizilimin jasaıtyn bolady.
