2021 jyldyń 1 qańtarynan bastap 38,5 myńnan astam memlekettik mekemelerdegi áleýmettik jumysshylardyń jalaqysy óspek.
Negizinen:
• Stasıonarlyq (qarttar men múgedekterge arnalǵan úıler) jáne jartylaı stasıonarlyq úlgidegi medısınalyq-áleýmettik mekemelerde;
•Ýaqytsha bolý mekemelerinde (túrli ońaltý ortalyqtary)
isteıtin negizgi jumysshylar men basshylyq quramnyń, sondaı-aq úıde qyzmet kórsetetin áleýmettik qyzmetkerlerdiń jalaqysy ósedi.
Aldaǵy jyldyń 1 qańtarynan bastap áleýmettik qyzmetkerler úshin jalaqy 1,5 esege, 2022 jylǵy 1 qańtardan bastap aǵymdaǵy mánnen 1,75 esege, al 2023 jyly 2 esege ósedi.
– Bul jyl barlyǵyna qıyn boldy. Bizdiń áleýmettik qyzmetkerler mekemelerde is júzinde turyp, erekshe kontıngentpen jumys jasady. Biz olardyń eńbegin baǵalaımyz jáne olardyń mańyzdylyǵyn túsinemiz. Bul shara áleýmettik salaǵa mamandardy tartýǵa, qyzmetkerlerdiń tapshylyǵyn azaıtýǵa jáne kadrlyq jaǵdaıdy turaqtandyrýǵa múmkindik beredi dep úmittenemiz, – dep atap ótti Eńbek jáne halyqty áleýmettik qorǵaý mınıstri Birjan Nurymbetov.
