Buzýshylyqtar respýblıkanyń 24 mektebinde anyqtaldy. Maska rejımin, dymqyl tazalaý jáne dezınfeksııalaý kestesin buzý, partalar arasyndaǵy araqashyqtyqqa qoıylatyn talaptardy saqtamaý faktileri tirkelgen.
Sonymen qatar, tómendegideı buzýshylyqtar jıi kezdesedi: tazalaý jáne dezınfeksııalaý quraldarynyń, bakterısıdti shamdardyń jetkiliksiz mólsheri; paıdalanylǵan maskalardy jınaýǵa arnalǵan konteınerlerdiń bolmaýy, jáne keıbir mektepterde ashanalar jumys istegeni anyqtaldy.
Sanıtarııalyq dárigerlerdiń talaptaryn saqtamaý faktileriniń eń kóbi: Almaty, Jambyl, Qostanaı, Qaraǵandy, Batys Qazaqstan, Soltústik Qazaqstan oblystarynda jáne Almaty qalasynda anyqtaldy.
Buzýshylyqtar anyqtalǵan mektepterde túsindirý jumystary júrgizilip, máseleler bilim basqarmalary basshylarynyń jáne mektep dırektorlarynyń qatysýymen ótkizilgen keńesterde qaraldy. Búgingi kúni barlyq buzýshylyqtar joıylǵan.
