«Adal bilim» aýdıti ótkizilip jatyr. Osy aýdıtti kelesi jyldyń aqpan aıynyń sońyna deıin aıaqtaý qajet. Odan keıin tıisti jospar bekitetin bolamyz. Bul óte mańyzdy másele. Ekinshiden, joǵary oqý ornynda jemqorlyq faktilerine jol bermeý qajet. Bul máseleni túbegeıli joıýǵa bolady. Biraz ýnıversıtet ony búgin joıdy dep aıta alamyz. Jalpy, osy máseleden múldem aýlaq júrgen keıbir ýnıversıtet bar. Demek, ýnıversıtettiń basshysy qalasa, mundaı problemany joıýǵa bolady degen sóz. Iаǵnı, bul sol oqý ornynda qabyldanǵan saıasatqa baılanysty. Eger keıbir ýnıversıtet bul máseleni joısa, basqa ýnıversıtetterdiń qolynan bul áli kelmeı otyrsa, onda «nege?» degen saýal paıda bolady», dedi Ashat Aımaǵambetov
Mınıstr jemqorlyq faktileri anyqtalǵan ýnıversıtetterge qatysty usynys bolǵanyn atap ótti.
«Tıisti baǵyt boıynsha eń aldymen lısenzııany toqtatý, odan keıin taǵy da qaıtalanǵan jaǵdaıda lısenzııany qaıtarý boıynsha normany zertteý kerek. Eger zań júzinde oryndalatyn jáne zertteý nátıjesinde durys sheshim bolsa, biz mundaı normany qabyldaýǵa daıynbyz», deıdi mınıstr.
Vedomsvto basshysynyń aıtýynsha, joǵary oqý oryndaryndaǵy jemqorlyqty joıý biraz ýaqyttan beri aıtylyp ta, qadaǵalanyp ta júr. Degenmen, ózekti máselelerdiń sheshilmeı kele jatqanyn da basa aıtty. Sol sebepti tıisti baǵyttar oryndalmaǵan jaǵdaıda, bilim ordalary lısenzııasynan aıyrylady.
