Atyraý oblysy ákiminiń orynbasary Erjan Ábilhanov óz erkimen jumystan ketýine baılanysty orynyna Qaırat Bekenov oblys ákiminiń orynbasary bolyp taǵaıyndaldy. Qaırat Asqarbekuly Bekenov 1978 jyly 31 qazanda dúnıege kelgen.
Qazaq memlekettik basqarý akademııasyn «Ekonomıst» mamandyǵy boıynsha, quqyq jáne naryq akademııasyn «Zańger» mamandyǵy boıynsha, Qazaqstan Respýblıkasy Prezıdenti janyndaǵy Memlekettik basqarý akademııasyn «Memlekettik jáne jergilikti basqarý magıstri» mamandyǵy boıynsha bitirgen.
Ár jyldary Almaty qalasynyń salyq ınspektory, QR Qarjy mınıstrliginiń Úkimettik qaryzdardy tartý departamenti basqarmasynyń bastyǵy, Prezıdent Ákimshiliginiń memlekettik baqylaý jáne uıymdastyrý jumysy bóliminiń bas ınspektory bolyp jumys istedi.
Sonymen qatar, Astana qalasy Saryarqa aýdany ákiminiń orynbasary, Qyzylorda qalasy ákiminiń orynbasary, Soltústik qazaqstan oblysy ákiminiń orynbasary, «Aqtóbe» áleýmettik kásipkerlik korporasııasy AQ Basqarma tóraǵasy laýazymdaryn atqardy. Taǵaıyndalǵanǵa deıin Aqtóbe oblysy ákiminiń orynbasary bolyp jumys istegen.
