Basty maqsat – zań buzýshylyqtyń aldyn alý. Jyl basynan beri qurylǵylardyń kómegimen 392 ákimshililik hattama toltyryldy. Sondaı-aq, 14 qylmys ashyldy.
«Syrtta júrip-aq úıimizdi kórip otyramyz. О́tken jyly Ońtústik Qazaqstan oblysynda júrgende, úıge urylar tústi. Kameranyń kómegimen birden anyqtadyq», deıdi Kalınınskoe aýylynyń turǵyny Baıan Janabekova.
Aýdan ortalyǵyndaǵy kameralar ishki ister bóliminiń jedel basqarý júıesine qosylǵan. Júıege Jaqsy aýyly boıynsha 24 kamera qosylyp otyr. Onyń 12-si kóshelerge ornatylǵan. Joba qolǵa alynǵannan bastap bıýdjet qarjysy esebinen 330 kamera ornatyldy. Onyń 210-y aýdandaǵy bilim berý nysandaryna qoıyldy. Sondaı-aq, jekemenshik nysandarmen ózara kelisimshart jasalyp, qosymsha 300-ge jýyq beınebaqylaý qurylǵysy ornatylǵan.
Aldaǵy ýaqytta aýdandaǵy beınekameralardy bas prokýratýranyń «Qylmystyq quqyqbuzýshylyqtar kartasy» portalyna engizý josparda bar. Qarasha aıynan bastap «Ýaqytyly alıment tóleıtin ákelerge alǵys bildiremiz» aksııasy bastaldy. Jalpy munda osy sanattaǵy 214 adam bar. Onyń 60-y alıment tóleýden jaltaryp júrgender.
