Keshe tańerteńnen bastap Astanada aýa raıy kúrt buzyldy. Sodan bir kún ǵana buryn birshama jylylyq tanytyp, aspanynan jańbyr sebelep turǵan elordanyń tabıǵaty erteńine adam tanymastaı bolyp ózgerip shyǵa keldi. Jel kóterilip, aqtútek boran uıytqydy.
Keshe tańerteńnen bastap Astanada aýa raıy kúrt buzyldy. Sodan bir kún ǵana buryn birshama jylylyq tanytyp, aspanynan jańbyr sebelep turǵan elordanyń tabıǵaty erteńine adam tanymastaı bolyp ózgerip shyǵa keldi. Jel kóterilip, aqtútek boran uıytqydy.
Onyń kúshti bolǵany sondaı, Beıbitshilik jáne kelisim saraıy aldyndaǵy jańajyldyq shyrsha qondyrylǵan ornynan ushyp ketti. Osy aralyqta Tótenshe jaǵdaılar mınıstrliginen aýa raıy jaǵdaıynyń kúrt nasharlap ketýine baılanysty avtokólikterdiń barlyq túrleriniń elordadan syrtqa qaraı shyǵýlaryna tyıym salynǵany habarlandy. «Aýa raıynyń buzylýyna baılanysty Astrahan tas joly, Qorǵaljyn tas joly, Kókshetaý tas joly, Qaraǵandy tas joly, Rojdestvenskıı jáne Sofıevskıı tas joly boılarynda barlyq kólik quraldary úshin qozǵalys toqtatyldy», – delingen onda. Sol sııaqty, mektep oqýshylarynyń sabaqtary toqtatylǵan bolyp shyqty.
«Qazgıdromet» MKK sınoptıkteri jeldiń kúshi sekóntine 14-15 metr jyldamdyqta bolǵanyn málimdedi. Al túnge qaraı 18 metrge deıin bardy.
Murat AITQOJA.
