Ásirese Apple qurylǵylary men iCloud bulttyq qyzmetin qoldanýshylarǵa baǵyttalǵan jańa fıshıngtik shema tirkelgen. Alaıaqtar iCloud bulttyq qoımanyń tolyp ketkeni týraly jalǵan habarlamalar taratyp, elektrondy poshta, SMS jáne push-eskertýler arqyly adamdardy aldaýǵa tyrysady.
Habarlamalarda ádette «bulttyq jad tolyp qaldy», «akkaýnt buǵattalýy múmkin» nemese «derekter óshiriledi» degen mazmun kórsetiledi. Mundaı qorqytý arqyly paıdalanýshyny jedel áreket etýge ıtermeleıdi.
Táýligine 690 dollar tabys: Elektrosamokat arqyly jasalǵan alaıaqtyq áshkere boldy
Jalǵan habarlamada kórsetilgen silteme arqyly ótken adamnan akkaýnt derekterin, qupııasózin jáne tipti bank kartasy týraly aqparatty engizý suralady. Alaıda bul silteme resmı servıske emes, syrtqy fıshıngtik saıtqa baǵyttaıdy. Nátıjesinde barlyq engizilgen málimetter alaıaqtardyń qolyna túsedi.
Mamandardyń aıtýynsha, mundaı shema tek iCloud-pen shektelmeıdi. Alaıaqtar Google Drive, Mail.ru jáne Iаndeks Dısk sııaqty tanymal servısterdiń atyn paıdalanyp, keń aýqymdy shabýyldar jasap otyr.
Qaýiptiń aldyn alý úshin mamandar kúmándi siltemelerge ótpeýge, akkaýnt jaǵdaıyn tek resmı qosymsha nemese saıt arqyly tekserýge, eki faktorly qorǵaýdy qosýǵa jáne ár servıske bólek kúrdeli qupııasóz qoldaný kerek.
Alaıaqtyqtyń jańa tásili tarady: Qaskúnemder daýysyn ózgertip, senimge kiredi
- Qupııasózdi ózgertý (kúrdelirek nusqasyna);
- Barlyq qurylǵylardan shyǵý;
- Tólem derekterin tekserý;
- Resmı qoldaý qyzmetine júginý.
Bas prokýratýra kez kelgen «akkaýnt buǵattalady» nemese «derekter óshiriledi» degen habarlamalardy tek resmı derekkózder arqyly tekserý kerektigin qatań eskertedi.
