«Bezbúırek ana esh jerde jumys istemeıdi. Jaqynda 2019 jyldan beri jaldap turatyn páterinde eki qyzyn qaldyryp, ketip qalǵan. Bul týraly polısııaǵa áıeldiń Aqtaý qalasynda turatyn 18 jastaǵy úlken qyzy habarlady. Anasy oǵan qońyraý shalyp, jaldamaly páterdegi eki sińlisine qaraýdy tapsyrǵan. Arada birneshe kún ótkenmen, balalardyń anasynan habar bolmady. Al ony tanıtyndar 5 qarashada ózge kóshedegi jaldamaly páterlerdiń birinen kórgen», dedi Atyraý qalalyq polısııa basqarmasy bastyǵynyń birinshi orynbasary Erlan Bıǵambaev.
Onyń aıtýynsha, bul áıel buǵan deıin «Kámeletke tolmaǵan balany tárbıeleý jónindegi mindetterdi oryndamaý» babymen ákimshilik jaýapkershilikke tartylypty. Eki qyzy beıimdeý ortalyǵyna ornalastyrylǵan eken.
«Qazir eki qyz bala qaıtadan beıimdeý ortalyǵyna ornalastyryldy. Al balalaryn tastap ketken áıelge qatysty jınaqtalǵan qujattar kámeletke tolmaǵandardyń quqyqtaryn qorǵaý jónindegi komıssııaǵa jiberildi», dedi Erlan Bıǵambaev.
