«Qazaeronavıgasııa» Trainair Plus ICAO múshesi

Otandyq ortalyq Katar avıasııa akademııasy, Gonkong halyqaralyq avıasııa akademııasy, sol sekildi Egıpet azamattyq avıasııa akademııasynan ozyp, bedeldi uıymnyń músheligine 3 jyldyq merzimge saılandy. Bul kásiporynǵa azamattyq avıasııa salasynda mamandar daıar­laý jónindegi halyqaralyq qoǵam­das­tyqta ózara is-qımyl ja­saýǵa jáne yntymaqtastyq orna­týǵa, sol ar­qyly tez ózgeretin jahandyq daıa­rlyq jaǵdaıynda mańyzdy strategııalyq sheshimderge qatysýǵa jáne halyqaralyq deńgeıde óz pozısııalaryn nyǵaıtýǵa múmkindik beredi.

Sonymen qatar Trainair Plus ICAO basqarýshy komıtetiniń músheligine kirý baǵdarlama boıynsha odan ári ilgerileýge jáne óńirlik oqý ortalyǵy mártebesin alý prosesin jedeldetýge jol ashady.

«Qazaeronavıgasııa» kásibı da­­ıyndaý ortalyǵy 2016 jyldan bastap Trainair Plus ICAO baǵdarlamasynyń tolyq quqyqty múshesi sanalady. Bul mártebe kásibı daıyndaý ortalyǵyn ICAO standarttaryna sáıkes kele­tin halyqaralyq avıasııalyq oqý ortalyǵy retinde tanytady. Osy baǵdarlama boıynsha kásibı daıyn­daý ortalyǵy kýrstarynyń sertıfıkat­tal­ǵan ázirleýshileri IKAO standarttaryna sáıkes, talapqa saı 4 oqý-ádistemelik kýrs ázirledi. Atalǵan kýrstar IKAO oqý kýrstarynyń kitaphanasynda tirkelgen. Bul kýrsty támamdaǵan tyńdaýshylarǵa IKAO sertıfıkattary beriledi. ICAO kýrs­tary boıynsha ortalyqta Qazaqstan men basqa shet elderdiń 181 mamany oqytyldy.