– Volonterler tótenshe jaǵdaı kezinde dári-dármekten basqa, muqtaj adamdarǵa qajetti azyq-túlikti jetkizýge kómektesti. Qaýipsizdik maqsatynda tasymaldaý kezinde barlyq eriktiler betperde, qolǵap jáne qorǵanys kostıýmderimen qamtamasyz etildi. Volonterler qozǵalysynyń barlyq ókiline birlesken jumysy úshin alǵys aıtamyn, – dedi oblys ákimi A.Muhambetov.
Búginde aımaqta 90 volonterlik uıym bar. Qazvolunteer.kz saıtynda Qostanaı oblysynda bilim alyp jatqan 1125 stýdent jáne 60 uıym tirkelgen. Oblys ortalyǵynda volonterler qozǵalysyn úılestirip, baǵyttap otyratyn front-ofıs jumys isteıdi. Ofıs qyzmetkerleri ózara kómek kórsetý maqsatynda jasaǵan vlo.kz onlaın-servısi saıty arqyly oblys turǵyndarynyń qandaı da bir kómek alýyna nemese kómek usynýyna múmkindik qarastyrylǵan.
Aımaq basshysy jergilikti volonterlerdiń bıylǵy qatań karantın jaǵdaıynda, ásirese, aýrýhanalar men áleýmettik mekemelerge kóp kómek kórsetkenin erekshe atap ótti. Pandemııa kezinde eriktiler oblys ortalyǵyndaǵy 5 emhanadan 6 myń mekenjaıǵa dári-dármek jetkizgen. 200-den astam volonter provızorlyq stasıonarlarǵa ákelingen ottegi ballondary men ókpege jasandy jolmen aýa jiberetin apparattardy túsirý, ǵımaratqa kirgizý jumystaryn atqarǵan.
– Volonterler 2 myńnan astam ottegi ballony men 100 tonnanyń ústinde gýmanıtarlyq kómekke kelgen zattardy túsirdi. Medısına qyzmetkerlerin qoldaý maqsatynda «Myń alǵys» aksııasy uıymdastyrylyp, shara aıasynda 600-den astam medısına qyzmetkerine azyq-túlik túrinde kómek kórsetildi. Oblysta jyl basynan beri 800-den astam túrli sıpattaǵy qoldaý sharasy uıymdastyrylyp, oǵan 6 myńdaı volonter atsalysty, – dedi oblys ákimi.
Saltanatty jıyn barysynda oblystyq jastar saıasaty basqarmasynyń basshysy Marat Jurqabaev aımaqtaǵy volonterlik qozǵalystyń 2025 jylǵa deıingi damý tujyrymdamasy ázirlenetinin aıtty.
– Búginde elimizde volonterlik qozǵalys tolyqqandy qalyptasty. Alaıda eriktilerge qarjylandyrý, ǵımaratpen qamtamasyz etý sııaqty júıeli qoldaý kórsetilý kerek. Sondyqtan 2021 jyly oblystaǵy volonterlik qozǵalysty damytýdyń tujyrymdamasy ázirlenýi tıis, – dedi Marat Jurqabaev.
Volonterlerdiń el úshin etken eleýli eńbegi eskerýsiz qalǵan emes. Buǵan deıin qostanaılyq 122 volonter Tuńǵysh Prezıdent Nursultan Nazarbaevtyń Alǵys hatyna ıe bolǵan. Al Volonter jylynyń jabylýyna arnalǵan saltanatty jıynda «Korporatıvtik volonterlik kóshbasshysy» atalymy boıynsha «Jyl volonteri» halyqaralyq syılyǵyna Jangeldın aýdanynyń «Jalyn» jastar uıymy, «Jyl mesenattary» nomınasııasy boıynsha «Jomart júrek» syılyǵyn Borıs Knıazev ıelendi. «Jyldyń úzdik uıymy» atalymynda «Olja-Agro» JShS, «Eren erlik» atalymy boıynsha Janseıit Qurmanǵalıev marapattaldy.
Qostanaı oblysy
