Aǵymdaǵy kezeńde qalada 28553 múmkindigi shekteýli adam tirkelgen. Olardyń 6226-sy erekshe qajettilikteri bar balalar (22,8%).
«Táýlik boıǵy stasıonarlar aıasynda 100 tósek-oryn eresek turǵyndardy ońaltý (erte jáne kesh), 354 tósek-oryn balalardy nevrologııalyq, travmatologııalyq, ortopedııalyq jáne kardıohırýrgııalyq profılder boıynsha qalpyna keltirý emi men medısınalyq ońaltý úshin bólingen.
Basqarma basshysynyń aıtýynsha, aǵymdaǵy kezeńde 6049 eresek turǵyn saýyqtyrý sharalarynan ótti.
«Ambýlatorııalyq deńgeıde 4433 múmkindigi shekteýli jandarǵa (49,4%), kúndizgi stasıonar deńgeıinde 1847 (20,6%), táýlik boıǵy stasıonarlarǵa - 1447 (16,1%) ońaltý sharalary júrgizildi. Ońaltý kýrsynan ótkender arasynan 1256 múmkindigi shekteýli jan áleýmettik qyzmetkerlerdiń qyzmetterimen qamtylǵan jáne 1280 múgedekterge psıhologtar keńes berdi», - dep tolyqtyrdy Tımýr Mýratov.
Sondaı-aq qala ákimdigi men basqarma arqyly 738 múmkindigi shekteýli eresekter keńsesi sanatorlyq-kýrorttyq emdelýge jiberildi.
Múgedekterdiń barlyq sanattary halyqtyń áleýmettik osal toptarynyń sanaty retinde medısınalyq kómektiń kepildendirilgen kólemi sheńberinde jáne mindetti medısınalyq saqtandyrý júıesinde dıagnostıkalyq tekserýlerdiń tolyq spektri men tegin dári-dármekter alady.
Esterińizge sala keteıik, 14 jeltoqsanda No1 kópsalaly qalalyq balalar aýrýhanasy bazasynda 50 kúndizgi kútimge arnalǵan júıke-psıhıatrııalyq ońaltý ortalyǵy ashyldy.
Sonymen birge BMSK uıymdarynda kúndizgi tıptegi ońaltý ortalyqtary jumys isteıdi. Olar negizinen serebraldy paralıchi bar balalardy saýyqtyrýǵa arnalǵan.
Mamandandyrylǵan balalar úıinde júıke patologııasymen (serebraldy paralıch) balalarǵa arnalǵan ońaltý bólimi jumys isteıdi.
Bıyl barlyǵy 2882 bala ońaltý kýrsynan ótti.
