Bul týraly Almaly aýdany ákiminiń mindetin atqarýshy Arhat Omarov óńirlik kommýnıkasııalar qyzmetindegi brıfıngte málimdedi. Sonymen qatar aýdan ákimi megapolıs basshysy tapsyrmasy boıynsha qalanyń tarıhı ǵımarattarynyń kelbetin saqtaý jónindegi tapsyrmasynyń oryndalý barysy jaıly habarlady.
Ákminiń aıtýynsha, 2020 jyly kóppáterli 69 úıdiń aldyńǵy jaǵyna (qasbet) jóndeý jumystary júrgizildi. Jóndeý jumystarynyń barlyq túri júzege asyryldy. Al 2021 jyly Almaly aýdanynda 50 úıdiń qasbetin jóndeý jumystarymen qamtý josparlanyp otyr.
Sonymen qatar mádenı ortany damytý maqsatynda Jazýshylar odaǵynyń ǵımaratyn jóndeý, № 4 kitaphana men Chehov atyndaǵy qalalyq kitaphanany jańǵyrtý jumystary aıaqtaldy.
«Abylaı han dańǵylynda ornalasqan Jazýshylar odaǵynyń tarıhı ǵımaraty boıynsha jumystar 2019 jyly bastaldy. Búgingi tańda barlyq jumystar 100% aıaqtaldy. Kúrdeli jóndeý jumystary aıasynda shatyr, jeli jáne ishki árleý tolyǵymen jóndeldi», dep atap ótti Arhat Omarov.
