Eki aýdanda «Brot Master», «Ala Estate» jáne «Samruk Group» parkteri qyzmetin bastady. Bul jerde jalpy alańy shamamen 12 myń sharshy metrdi quraıtyn óndiris oryndary bar. Munda qurylys materıaldaryn, jıhaz, azyq-túlik, sýsyn, qýyrylǵan kofe, galantereıa buıymdaryn shyǵaratyn sehtar jumys isteıdi. Jobalardy júzege asyrýǵa shamamen 760 mıllıon teńge ınvestısııa tartyldy. Sonymen qatar 340-tan astam jumys orny quryldy.
Sonymen qatar Almatynyń ındýstrıaldy aımaǵynda óndiristik parkterdi qurý úshin tórt kásiporynǵa jer ýchaskeleri bólindi.
Qazirgi kezde kompanııalar qurylys-montaj jumystaryn júrgizip jatyr. Alǵashqy óndiris nysandardyn 2021 jyldyń qańtar-aqpan aılarynda iske qosý josparlanýda. О́ndiris oryndarynyń jalpy alańy 37,5 myń sharshy metrdi quraıdy.
Búgingi kúni óndiristik parkterdiń ınvestorlary aldyn ala 19 kásiporynmen jalǵa alýdyń kelisim shartyn jasady. Munda jańa óndiristerdiń tutas keshenin qurý josparlanýda: ıaǵnı elektr jabdyqtary, kún sáýlesinen qorǵaıtyn júıe, gıdroızolıasııalyq materıaldar shyǵarylady, kıim, shulyq pen ish kıim tigiletin bolady.
Aıta keteıik, Almatyda 2020 jyly ınvestorlar men ónidiristik parkterdiń rezıdenttteri úshin biregeı tetik ázirlendi. Qalada arnaıy komıssııa qurylyp, onyń quramyna farmasevtıka, qurylys, jıhaz, jeńil jáne tamaq ónerkásibi salalarynyń 6 qaýymdastyǵynyń jáne kásipkerler forýmynyń músheleri endi.
