Aımaqtar • 25 Jeltoqsan, 2020

Qyzylorda oblysynda 201 pırotehnıkalyq buıym tárkilendi

376 ret

kórsetildi

1 mın

oqý úshin

Oblysta «Pırotehnıka» jedel profılaktıkalyq is-sharasy aıasynda 15 reıd uıymdastyryldy. Úsh quqyq buzýshylyq faktisi anyqtalyp, 201 pırotehnıkalyq buıym tárkilendi. Bul týraly óńirlik kommýnıkasııalar qyzmetinde oblystyq polısııa departamenti Ákimshilik polısııa basqarmasynyń bastyǵy Nurmahan Pazylov pen oblystyq tótenshe jaǵdaılar departamenti baskarma bastyǵynyń orynbasary Ashat Orazbekov qatysqan brıfıngte aıtyldy, dep habarlaıdy Egemen.kz.

Murat JETPISBAEV

Qyzylorda oblysynda 201 pırotehnıkalyq buıym tárkilendi

- Pırotehnıkalyq zattardy satý jáne saqtaý tártibine baqylaý júrgizý maqsatynda polısııa qyzmetkerlerimen birlesip, iri saýda oryndaryna, bazarlarǵa reıd uıymdastyryp jatyrmyz. 3 quqyq buzýshylyq faktisi anyqtalyp, ár qaısysyna 25 aılyq eseptik kórsetkish kóleminde aıyppul salyndy. 201 dana pırotehnıkalyq buıym tárkilendi, - dedi oblystyq tótenshe jaǵdaılar departamenti baskarma bastyǵynyń orynbasary Ashat Orazbekov.

Oblystyq polısııa departamenti Ákimshilik polısııa basqarmasynyń bastyǵy Nurmahan Pazylov Jańa jyl qarsańynda mektep ınspektorlary «ZOOM» qosymshasy arqyly oqýshylar men ata-analarǵa pırotehnıkalyq zattardy qoldanýdyń qaýpi jaıly túsindirme jasap jatqanyn atap ótti.