Básekelestikti qorǵaý jáne damytý agenttiginiń Atyraý oblysy boıynsha departamenti men dárihanalar jelisi bar «Semeınoe zdorove» jáne «Acme contract services» jaýapkershiligi shekteýli seriktestikteri arasynda dári-dármekterdiń qunyn tómendetýge arnalǵan memorandýmǵa qol qoıyldy.
«Memleket basshysy Qazaqstannyń barlyq aýmaǵynda antısıdti preparattardyń, PTR-testilerdiń jáne medısınalyq maskalardyń qunyn tómendetý úshin erejeler ázirleýdi tapsyrdy. Qazirdiń ózinde COVID-19 ınfeksııasyn emdeý kezinde qoldanylatyn keıbir dári-dármekterdiń baǵasyn 20 paıyzǵa tómendetý maqsatynda sharalar qabyldandy. Dári-dármekterdiń baǵasyn tómendetý úshin otbasylyq jáne áleýmettik dárihanalar jelisimen jumys júrgizdik», deıdi óńirlik departament dırektory Dııas Jánibekov.
Onyń aıtýynsha, bul baǵyttaǵy jumystar jalǵasady.
