Abaı • 26 Jeltoqsan, 2020

Serbııada Abaı shyǵarmalary jınaǵynyń tusaýkeseri ótti

42 ret kórsetildi

Qazaqstannyń Serbııadaǵy elshiliginde qazaq oıshyly jáne aqyny Abaı Qunanbaıulynyń serb tiline aýdarylǵan shyǵarmalar jınaǵynyń tusaýkeseri ótti, dep habarlaıdy Egemen.kz. Bul týraly syrtqy ister mınıstrliginiń baspasóz qyzmeti habarlady.

Is-sharaǵa Serbııanyń kórnekti qoǵam jáne saıası qaıratkerleri, ǵalymdar men eldegi qazaq dıasporasynyń ókilderi qatysty.

Serb tiline aqynnyń shyǵarmasyn aýdarý uly Abaıdyń 175 jyldyq mereıtoıyn atap ótý aıasynda júzege asyryp, onyń ómirbaıany, tańdamaly óleńderi men «Qara sózderi» endi.

Qazaqstan Elshisi Ǵabıt Syzdyqbekov óz sózinde Abaı shyǵarmalarynyń aýdarmasy – árbir serb oqyrmanynyń qazaq halqynyń ǵasyrlar boıy jınaqtalǵan danalyǵy kórinis tapqan ulaǵatty tulǵanyń uly murasymen tanysa alatyn jáne búgingi kúni de óte ózekti bolyp qala beretin jyrlarǵa toly biregeı basylym ekenin atap ótti.

Elshilik aqyn kitaptaryn bıylǵy qarasha aıynan beri jumys istep kele jatqan «Dostyq» qazaq-serb mádenı ortalyǵyna tabys etti, sondaı-aq jınaq Serbııanyń ulttyq kitaphanasyna jáne Belgradtyń ǵylymı jáne bilim berý mekemeleriniń kitaphana qorlaryna jiberiletin bolady.

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar