Almaty qalasy ákiminiń orynbasary Erjan Babaqumarov Alataý aýdanyndaǵy № 196 jalpy bilim beretin mektepte boldy.
Bul bilim berý uıymy úsh aýysymmen oqıtyn jalǵyz mektep. Sapar barysynda Babaqumarov «Rahat» shaǵyn aýdandaǵy qazir jumys istep turǵan №196 mekemeniń ornyna 1 500 oryndyq jańa mektep salý úshin daıyndyq jumystarynyń barysyn tekserdi. Búginde qurylys jumystary bastaldy, ol 2021 jyly aıaqtalady. Joba «Jumyspen qamtýdyń jol kartasy» baǵdarlamasy aıasynda júzege asyrylady, bul jańa jumys oryndaryn qurýdy bildiredi.
Bala týý kórsetkishiniń joǵary bolýyna jáne belsendi kóshi-qon prosesterine baılanysty oryn tapshylyǵy orta bilim berý salasynda, onyń ishinde shet aımaqtardaǵy buryn qurylys jumystary júrgizilmegen bilim berý nysandarynda da saqtalyp otyrǵanyn atap ótken jón.
Pandemııaǵa qaramastan bıyl 2 mektep salyndy, 2021 jyly 8 mektep jáne 17 japsarlas qurylys salynatyn bolady. Bul rette, 8 mekteptiń 3-eýi (árqaısysy 1500 oryndyq) Alataý aýdanynyń Darhan jáne Tomırıs jańa shaǵyn aýdandarynda jáne Túrksib aýdanyndaǵy Qaırat shaǵyn aýdanynda salynýda.
Jalpy, qabyldanyp jatqan sharalar qosymsha 23 myń oqýshy ornyn qurýǵa jáne 2021 jyly oqýshy oryndarynyń tapshylyǵyn 73% - ǵa qysqartýǵa múmkindik beredi.
