Bul bıýdjetti ıgerý barysynda sybaılastyq, quqyq buzýshylyqty boldyrmaýǵa sep bolady. Al sybaılastyqpen kúres kez kelgen órkenıetti qoǵam úshin eń ózekti máseleniń biri bolyp tabylady.
Sybaılas jemqorlyqqa qarsy is-qımyl agenttigi Qyzylorda oblysy boıynsha departamenti mamandarynyń aıtýynsha táýligine 24 saǵat boıy ónim berýshiler, bólinetin somalar, qurylys merzimderi, kepildik mindettemeler jáne basqa da parametrlerge deıingi aqparatqa qol jetkizýge múmkindik beretin «Ashyq bıýdjetter ınteraktıvti kartasy» jobasymen siltemesi arqyly kirip, kez kelgen oblystyq, qalalyq jáne aýdandyq deńgeıdegi mekemelerdiń bıýdjetterimen tanysýǵa bolady.
Aıta ketý kerek, atalǵan jobanyń qyzmetimen tanysý úshin elektrondy sıfrlyq qoltańbanyń qajeti joq, tek tikeleı silteme arqyly kirýge bolady.
Eger qujattamalardy salystyrý barysynda alshaqtyqtar anyqtalǵan jaǵdaıda tıisti foto jáne beınematerıaldardy qosa otyryp ýákiletti organǵa habarlaýǵa bolady.
Qazir kartaǵa oblys boıynsha 698 mekeme, 2 176 óz bıýdjetterin engizip otyr. Barlyǵyn qosa alǵanda 803,3 mlrd teńge kólemindegi bıýdjet jarııalanǵan jáne osy baǵyttaǵy jumystardy ári qaraı ilgeriletý maqsatynda 7 adamnan turatyn «Ashyq bıýdjet» óńirlik klýby qurylǵan.
Qazaqstan Respýblıkasynyń memlekettik saıasatynyń negizgi basymdylyqtaryn qamtıtyn karta qazirgi tańda sybaılas jemqorlyq, quqyq buzýshylyqtardyń aldyn alýdyń belsendi nysanyna aınala otyryp, memlekettik mekemelerdiń halyq aldynda eseptiligi jáne dıalogyn qurýdyń ámbebap quralyn kúsheıtetini anyq.
