Búginde shaharda alańy 1 mln sharshy metrden astam 14 224 páterli 262 kóp qabatty turǵyn úıdiń qurylysy júrip jatyr. Sonyń ishinde jeke qurylysshylar esebinen 6 147 páterli 126 kópqabatty turǵyn úı de bar.
Prezıdent Joldaýynda azamattardyń áleýmettik ál-aýqaty, eń aldymen baspana máselesine tikeleı baılanysty ekenin aıtqan edi. Osyǵan oraı Shymkent qalasynda bıýdjet esebinen 8077 páterli 136 kópqabatty turǵyn úıdiń qurylysy júrgizilip otyr. Jyl sońyna deıin 280 páterli 5 jaldamaly, 4 461 páterli 77 nesıelik turǵyn úıdiń qurylysy aıaqtalady.
Qurylys basqarmasynyń málimetine sáıkes, bıyl qalada qurylys jumysy boıynsha jaqsy kórsetkishke qol jetkizgen. 11 aıda 103,3 mlrd teńgege qurylys jumysy júrgizilip, ótken jyldyń sáıkes kezeńimen salystyrǵanda 159,3 paıyzǵa jetken.
Qosymsha suraqtar boıynsha tegin 109 biryńǵaı baılanys nómirine habarlasýǵa bolady.
