Elorda • 30 Jeltoqsan, 2020

Nur-Sultanda mereke kúnderi reıdter kúsheıtiledi

36 ret kórsetildi

Elordadaǵy karantın jáne shekteý sharalarynyń saqtalýyn baqylaıtyn monıtorıng toptary mereke kúnderi kúsheıtilgen rejimde jumys isteıdi, dep habarlaıdy Egemen.kz

«Qaladaǵy jaǵdaı kúrdelenbeýi úshin, qatań shekteýlerdi qabyldamaý úshin úıde bolý kerek, adam kóp jınalatyn oryndarǵa shyqpaý jáne jıyndar ótkizbeý kerek. Biz barlyq turǵyndardy sanıtarlyq normalardy, karantındik rejımdi saqtaýǵa shaqyramyz. Karantındi buzǵany úshin jaýapkershilikke tartý qarastyrylǵan», dep qala turǵyndaryna úndeý tastady bas memlekettik sanıtarlyq dáriger Janna Pirálıeva.

Aıta ketý kerek, Nur-Sultanda únemi buzýshylyq jasaǵany úshin Zoloto meıramhanasy, Alanya túngi klýby, Janym Sol karaoke-bary, Tekuila kafe-barynyń jumysy toqtatyldy.

Atap aıtqanda, Nur-Sultan qalasynyń aýdandyq sanıtarlyq-epıdemııalyq baqylaý basqarmalaryna aýdandyq polısııa basqarmalarynan 2 458 materıal, karantındi buzǵan adamdarǵa qatysty úılestirý ortalyǵynan 261 jedel habarlama kelip tústi.

Jalpy somasy 274 383 554 teńgege 1411 jeke jáne zańdy tulǵa ákimshilik jaýapkershilikke tartyldy.

Elordada mereke kúnderi qaýipsizdikti qamtamasyz etý úshin kóshede jáne kópqabatty úılerdiń aýlalarynda, ásirese oıyn-saýyq mekemeleriniń alańdarynda jáne azamattardyń basqa da jappaı demalatyn oryndarynda patrýl uıymdastyrylǵan. Patrýldik jasaqtardyń tyǵyzdyǵy da arttyryldy.

Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar