B. Saǵyntaev quttyqtaýdy óziniń Instagram-daǵy paraqshasynda jarııalady.
«Biz ótip bara jatqan jylmen qoshtasarda, ádette keler jylǵa úlken úmit artamyz. 2020 jyldyń árbir kúni qaı-qaısymyzdyń da tózimdiligimizdi teksergen synaqtarǵa toly boldy. Biz múldem jańa, naqty jaǵdaıda ómir súrýge, bilim alýǵa, jumys isteýge daǵdylandyq», dep atap ótti qala ákimi.
B.Saǵyntaev uıymshyldyqtyń úlgisin kórsetken barsha almatylyqtarǵa alǵys aıtty. Sonymen qatar qala turǵyndary qıyn sátterde birge bolýdyń qanshalyqty mańyzdy ekenin sezinip, birlikti baǵalaı bilýdi úırengenin, túısingenin atap ótti.
«Jańa jyl árbir shańyraqqa qýanysh pen baqyt ákelsin! Barlyq izgi tilekterińizben úmitterińiz eselene oryndalsyn! Balalar men olardyń áke-shesheleri, atalary men ájeleri aman bolsyn! Jańa jyldaryńyzben!», dep tiledi Almaty ákimi B. Saǵyntaev.
