Monıtorıngtik toptar júrgizetin tekserý is-sharalarynyń nátıjesinde buryn mekemede birneshe ret jumys kestesin saqtamaý jáne adamdardyń jappaı jınalýyna jol berý sııaqty buzýshylyqtar anyqtaldy. Monıtorıngtik top kelgen kezde «Artıst» barynda 300-den 500-ge deıin adam bolǵan, bul adamdardyń jappaı juqtyrýyna ákelýi múmkin edi.
Sońǵy derekter boıynsha, Almaty qalasynda koronavırýstyq ınfeksııamen syrqattanýdyń 18 myńnan astam jaǵdaıy tirkelgen, onyń ishinde 389-y ólimmen aıaqtalǵan.
Bıylǵy 8 qazan men 28 jeltoqsan aralyǵynda zańdy jáne jeke tulǵalarǵa jalpy somasy 79,2 mln teńgege QR ÁQBtK-niń 425-babynyń 1-bóligi boıynsha shekteý is-sharalaryn saqtamaǵany úshin 981 ákimshilik quqyq buzýshylyq týraly hattama jasaldy. 16 materıal sotqa berildi.
Esterińizge sala keteıik, 25 jeltoqsannan 5 qańtarǵa deıin kúsheıtilgen shekteý sharalary qoldanylady. Osy kezeńde jappaı juqtyrýǵa yqpal etetin oıyn-saýyq, sporttyq jáne basqa da is-sharalardy, sonyń ishinde jańa jyldyq erteńgilikter men merekelik korporatıvterdi ótkizýge ruqsat etilmeıdi.
Almaty ákimdigi qala turǵyndaryn koronavırýstyq ınfeksııa boıynsha turaqty jaǵdaıdy saqtaý maqsatynda mereke aldyndaǵy jáne mereke kúnderi sanıtarlyq-epıdemııalyq talaptardy saqtaýǵa shaqyrady.
