Almatynyń tirshilikti qamtamasyz etý júıeleri jańa jyl kúnderi joǵary daıyndyq rejiminde jumys istedi. Almaty qalasynyń ınjenerlik jelileri men tirshilikti qamtamasyz etý obektilerinde birde-bir iri jáne ortasha apat bolǵan joq.
«Biz Jańa jyldy joǵary daıyndyq jaǵdaıynda ótkizdik. Almaty qalasynyń jylý-energetıkalyq kesheni men turǵyn úı-kommýnaldyq sharýashylyǵynyń jumysynda iri aqaýlar tirkelgen joq. Osy kúnderi sýmen jabdyqtaý jáne elektr jelilerinde bolǵan birneshe jergilikti sıpattaǵy tótenshe jaǵdaılar qysqa merzimde joıyldy», dedi qalalyq Energııatıimdilik jáne ınfraqurylymdy damytý basqarmasynyń basshysy Aıdar Berkimbaev.
Onyń aıtýynsha, tirshilikti qamtamasyz etý júıeleriniń úzdiksiz jumys isteýi — Almaty qalasynyń ákimi Baqytjan Saǵyntaevtyń tapsyrmasyna sáıkes júzege asyrylatyn otyn-energetıkalyq kesheniniń jáne turǵyn úı-kommýnaldyq sharýashylyǵynyń barlyq kásiporyndaryn jańa jyldyq merekelerge tyńǵylyqty daıyndaýdyń nátıjesi.
Táýlik boıy kezekshilik etetin jedel-profılaktıkalyq brıgadalarǵa jáne dıspetcherlik qyzmetterge erekshe nazar aýdaryldy, olardyń kásibıliligi almatylyqtar men qala qonaqtarynyń jaılylyǵyn qamtamasyz etti.
Jalpy, 2020 jyl ishinde Almaty qalasynyń tutynǵany:
- 5 mıllıard kılovatt saǵat elektr energııasy;
- 1 625 mıllıon tekshe metr gaz;
- 145,5 mıllıon tekshe metr sýyq sý, onyń 75,1 mıllıon tekshe metre, halyq;
7,9 mln gıgakalorııa jylý energııasy, onyń 5,5 mln-y (69,6%) «Almaty elektr stansııalary» AQ-na, 2,4 mln-nan astamy (30,4%) - «Almatyteplokommýnenergo» JShS-niń 84 qalalyq qazandyqtary jylý berdi.
