Meıram kúnderi 34 qylmystyq quqyq buzýshylyq oryn alyp, onyń 23-i táýlik ishinde ashyldy, al qalǵany boıynsha jedel izdestirý sharalary júrgizilýde.
Oblys boıynsha barlyǵy 636 ákimshilik quqyq buzýshylyq tirkelip, onyń ishinde, qoǵamdyq oryndarda masań kúıde bolǵan 50, túngi tynyshtyqty buzǵan 10, alkogol ónimderin satý tártibin buzǵan 3 turǵynǵa qatysty ákimshilik ister qozǵaldy.
Sonymen qatar oblys kóleminde 493 júrgizýshi jol erejesin buzǵan. Kámeletke tolmaǵandar arasynda qylmystylyq pen quqyq buzýshylyqty aldyn alý maqsatynda profılaktıkalyq jumystar atqaryldy.
Mereke kúnderi ishki ister organdaryna ár túrli quqyq buzýshylyq jasaǵandary úshin 41 jasóspirim jetkizildi.
Qyzylorda oblysy aýmaǵynda ótken «Pırotehnıka» jedel profılaktıkalyq is – sharasy kezinde tyıym salynǵan nemese shektelgen taýarlarmen saýda jasaýdyń 18 deregi anyqtalyp, árbir quqyqbuzýshyǵa QR ÁQBtK-niń 196-babyna sáıkes (Taýarlarmen nemese ózge de zattarmen zańsyz saýda jasaý), 25 aılyq eseptik kórsetkish mólsherinde aıyppul salyndy.
