Búgin tańerteń saǵat 5.40-ta patrýldik polısııa polkiniń qyzmetkerleri torýyldaý barysynda О́zen kóshesindegi jeke sektordan tútin shyǵyp jatqanyn baıqaǵan. Ol úıdiń shatyrynan shyǵyp jatqan.
Patrýldik polısııa polkiniń ınspektorlary aǵa leıtenanttar Erlan Qataev pen Asan Baltabaev dereý baryp, esikti buzyp, ishke kirgen. О́rt peshten shyqqan. Tútin bólmelerge taralyp úlgergen eken. Qarańǵyda olar uıyqtap jatqan qyzdy taýyp alǵan, al kelesi bólmede eki er bala uıyqtap jatqan.
Polısııa balalardy oıatqan. Bólmeden shyqqan shýdy estip, anasy júgirip kelgen. Úıdiń órtenip jatqanynan ol beıhabar eken. Polısııa qyzmetkerleri áıel men úsh balany kóshege shyǵaryp, qyzmettik kólikterine jaıǵastyrǵan. Al ózderi órtti óshirýge ketken. Tártip saqshylary óz kúshterimen, qolda bar quraldarmen órtti sóndirgen. Keıin Erlan Kataev bolǵan oqıǵa týraly:
«Barlyǵy óte jyldam bolyp ketti. Biz úshin eń bastysy - áıel men onyń balalaryn qutqarý. Eshkim zardap shekken joq», dedi.
Evakýasııa aıaqtalǵannan keıin oqıǵa ornyna jedel qyzmetter keldi. Úılesimdi jáne kásibı is-árekettiń arqasynda polıseıler áıel men onyń 15, 9 jáne 13 jasar úsh balasynyń ómirin saqtap qaldy. Otaǵasy polısııa qyzmetkerlerine shyn júrekten alǵysyn jetkizdi.
