Bul qyzmetke qazaqstandyq maman Konstantın Gorovenko keldi. Ol buǵan deıin Qaraǵandynyń «Shahter» komandasynda bas bapker qyzmetin atqardy.
K.Gorovenko 1977 jyldyń 10 aqpanynda Jambyl oblysynyń Jańatas qalasynda dúnıege kelgen. Kásibı fýtboldaǵy alǵashqy qadamyn 1995 jyly Almatynyń «Qaırat» komandasynda bastady.
Odan keıingi jyldarda Taldyqorǵannyń «Jetisý», elordalyq «Astana», Almatynyń «Alma-Ata», «Megasport», Almaty oblysynyń «Suńqar» klýbtarynyń namysyn qorǵady. Sońǵy jyldarda bapkerlik qyzmet atqaryp keledi.
О́tken jyly Qaraǵandynyń «Shahter» klýbynyń tizginin ustap, Premer-lıga komandalary arasyndaǵy el birinshiliginde qaraǵandylyqtar tórtinshi orynǵa turaqtady.
Komanda bıyl jańa týrnır UEFA Konfederasııa kýbogynda el namysyn qorǵaıdy. Esterińizge sala ketelik, buǵan deıin «Jetisý» komandasynda bas bapker qyzmetin qazaqstandyq maman Dmıtrıı Ogaı atqardy. Komanda byltyr el birinshiliginde altynshy oryndy mise tutty.
