El táýelsizdiginiń mereıli belesi («Ordaly elge otyz jyl» atty kitap kórmesi ashyldy)

Kórmeniń maqsaty – az ýaqytta ordaly elge aınalǵan táýelsiz Qazaqstannyń derbes memleket retinde qalyptasý tarı­hyna sholý jasaı otyryp, Túrki Qaǵa­nat­tary, Altyn orda men Aq ordanyń jáne Qazaq handyǵynyń qurylýynan bastap, ha­lyqaralyq qaýymdastyqtyń tórine shyq­qan búgingi Qazaqstannyń jetis­tik­terin kópshilik qaýymǵa usyný. Qazaqstan Respýblıkasynyń Tuńǵysh Prezıdenti N.Á. Nazarbaevtyń kemel saıasaty men eren eńbegi arqyly elimizdiń jetken jetistikteri men tolaıym tabystaryn, sondaı-aq qazaqstandyq qoǵamdaǵy saıası, ekonomıkalyq, áleýmettik jáne rýhanı ıgi ózgerister belesin kópshilikke tanytý.

Kórmeniń «Babalar armany ─ Máńgilik el» atty bóliminde táýelsizdik jolynda kúresken tarıhı kezeńderge sholý jasalǵan. HVIII-HH ǵasyrlarda qazaq dalasynda Reseı otarshyldaryna qarsy birneshe iri ult-azattyq qozǵalystardyń, qazaq hal­qy­nyń táýelsizdik pen derbes damý jolynda Syrym Datuly, Isataı Taımanuly men Mahambet О́temisulynyń, Kenesary Qasymuly bastaǵan kóterilisteri týraly mańyzdy derekter toptastyrylǵan. Sondaı-aq Alash arystary Álıhan Bókeıhanov, Ahmet Baıtursynov, Mirjaqyp Dýlatov syndy jetekshilik etken ult zııalylarynyń jańa órleý ala bastaǵan ult-azattyq qozǵa­lys­­qa qatysty kitaptary men zertteý eń­bek­teri berilgen. Al «Ordaly elge otyz jyl» atty bólim egemen Qazaqstannyń der­­bestigin qalyptastyrý men elimiz tuǵy­ryn nyqtap, keregesin keńeıtip, irgesin beki­tip jáne memleketimizdiń shyn máninde, kemeline kelip, álemdik saıasattyń tórine ozǵan kezeńderin sıpattaıtyn bóligi.

Jıyn sońynda 2021 jyldy Ulttyq akade­mııa­lyq kitaphana bastamasymen Balalar ádebıeti jyly dep jarııalaý usynylyp otyr. Kórme jyl boıy jalǵasatyn bolady jáne jańa málimettermen jańartylyp, tolyqtyrylady.