Mańǵystaý aýmaǵynda tabıǵat qorǵaý zańnamasy boıynsha 80-ge jýyq qylmystyq is qozǵalyp, ákimshilik quqyq buzýshylyqtarǵa baılanysty 436 hattama toltyryldy. Naqtyraq aıtqanda, byltyrǵy jylda balyq resýrstaryn, basqa da sý janýarlaryn nemese ósimdikterin zańsyz aýlaý boıynsha 19 derek, zańsyz ańshylyq boıynsha 3 derek, ósimdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý boıynsha 49 derek, qarý, oq-dárilerdi, jarylǵysh zattardy jáne jarylys quralǵylaryn zańsyz ıemdený, berý, ótkizý, saqtaý, tasymaldaý nemese alyp júrý boıynsha 9 derek tirkeldi.
QR ÁQBtK-niń 382-baby, ıaǵnı janýarlar dúnıesin paıdalaný talaptaryn jáne ań aýlaý qaǵıdalaryn buzý boıynsha 133 hattama toltyrylyp, sáıkesinshe quqyq buzýshylarǵa 46 myń teńgeden astam aıyppul salyndy.
QR ÁQBtK-niń 383-baby, ıaǵnı balyq aýlaý jáne balyq resýrstary men basqa da sý janýarlaryn qorǵaý qaǵıdalaryn buzý boıynsha 62 hattama toltyryp, bir mıllıon tengeden astam aıyppul salyndy.
Qalalar men eldi mekenderdiń aýmaqtaryn abattandyrý qaǵıdalaryn buzý, sondaı-aq qalalar men eldi mekender ınfraqurylymy obektilerin buzý, jasyl ekpelerin joıý jáne búldirý, ıaǵnı QR ÁQBtK-niń 505-baby boıynsha 155 hattama toltyryp, 600 myń tengeden astam aıyppul salyndy.
QR ÁQBtK-niń 484-baby, ıaǵnı azamattyq, qarýdy, onyń patrondaryn ıelený, berý, esepke alý, saqtaý, paıdalaný, tasymaldaý, tártibin buzý boıynsha 83 quqyq buzýshylyq, QR ÁQBtK-niń 482-baby, ıaǵnı jeke jáne zańdy tulǵalardyń qarýdy zańsyz ıelenip alýy, berýi, ótkizýi, saqtaýy, alyp júrýi, tasymaldaýy boıynsha 3 quqyq buzýshylyq deregi tirkeldi.
Tabıǵat qorǵaý zańnamasyn buzýshylardan 2600 keliden astam bekire tuqymdas balyǵy jáne 1 keli bekire tuqymdas balyqtarynyń qara ýyldyryǵy, onymen qosa, qaıyq, qarýlar, qoldan jasalynǵan pyshaqtar tárkilenip alyndy.
