Aımaqtar • 08 Qańtar, 2021

Nur-Sultanda 2021 jyly 40 myń oqýshy orny ashylady

83 ret kórsetildi

Bul týraly Nur-Sultan qalasy ákimdiginiń resmı saıtynda jarııalandy dep habarlaıdy Egemen.kz

Foto: Aleksandr Kýprıenko

Nur-Sultan qalasynyń ákimdigi mektep qurylysy boıynsha júıeli jumys júrgizýde. 2020 jyly 2019 jylmen salystyrǵanda eki ese kóp mektep salyndy jáne paıdalanýǵa berildi, bul 12 oqý orny, onyń ishinde buryn mektepter bolmaǵan turǵyn úı alaptarynda balalar beıimdelgen úı-jaılarda oqydy. Elorda ákimi Altaı Kólginov aralaý barysynda birqatar jańa mektepterge (№60 mektep-lıseı, №40 mektep-lıseı, №31 mektep-gımnazııa) baryp, tapsyrma berdi. Bıyl 2020 jylmen salystyrǵanda eki ese kóp oqýshy orny qurylady. Bul 2019 jylmen salystyrǵanda 4 ese kóp.

«Bilim berý sapasyna nazar aýdarý jáne ol úshin jaǵdaı jasaý óte mańyzdy. Halyqtyń ósýin jáne úsh aýysymdy jáne tyǵyzdalǵan oqytý rejımi bar mektepterdi qysqartý qajettiligin eskere otyryp, jyl saıyn elordada keminde 10 mektep salý qajet. О́tken jyly 12 mektep salyndy, bul aldyńǵy jylmen salystyrǵanda eki ese kóp. Bıyl oqýshylarǵa arnalǵan oryn sanyn taǵy eki esege arttyramyz. Bul – 20 myń oqýshy orny, al eki aýysymda 40 myń oqýshy orny bolmaq.

№60 mektep-lıseıi (Saryarqa aýdany) eki ǵımarattan turady jáne 2400 orynǵa eseptelgen (eki aýysymda 4800). Munda bes myńnan astam oqýshy oqıdy. Qosymsha jumys istep turǵan aýmaqta mektep salyndy, ol eki aýysymda taǵy 1100 oryn qurady. Osylaısha, olar mekteptiń tyǵyzdyǵyn tómendetip, oqýshylarǵa arnalǵan jańa oryndar qurdy.

№40 mektep-lıseıi (Saryarqa aýdany) 17 jyl buryn salynǵan. Jobalyq qýattylyǵy 850 oryn (eki aýysymda – 1700), 2 myńǵa jýyq oqýshy oqıdy. Atalǵan mektep aýmaǵynda myń orynǵa (eki aýysymda) arnalǵan taǵy bir tolyqqandy ǵımarat salyndy.

Osylaısha, úsh aýysymdy oqytý máselesi sheshildi. Sonymen qatar, atalǵan mektepti jylytý qazandyǵynan ortalyq mektepke aýystyrýdy tapsyrdym. Bul jyl saıyn mektepti jylytýǵa 100 mln teńgege deıin únemdeýge múmkindik beredi.

Sondaı-aq, 45 jyl buryn salynǵan № 31 mektep-gımnazııasyna (Baıqońyr aýdany) bardym. Munda 2700-den astam oqýshy oqıdy. 1400 oryndyq jańa ǵımarat esebinen úsh aýysymda oqytý máselesi sheshildi. Sonymen qatar, qazirgi mektepte kúrdeli jóndeý júrgizýdi tapsyrdym. Prezıdenttiń tapsyrmasy boıynsha mektepterdi salý jáne jóndeý jumystaryn aldaǵy jyldary da jalǵastyratyn bolamyz», — dedi elorda ákimi Altaı Kólginov.

Úsh aýysymda oqytatyn mektepter sany 8-den 4-ke deıin, al tyǵyzdalǵan rejımi bar mektepter sany 22-den 14-ke deıin qysqardy. Sonymen qatar, elordada birqatar mektepter salynyp jatyr, olardyń arasynda jeke ınvestısııalar tartý esebinen salynǵandary da bar. Keshendi jospar aıasynda 5 jyldyq kezeńge 50-ge jýyq memlekettik mektep salý josparlanǵan. Sondaı-aq, Memleket basshysy barǵan №23 orta mekteptiń (О́ndiris turǵyn alaby) aýmaǵynda bes qabatty mekteptiń qurylysy júrgizilip jatyr.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar