Medısına • 09 Qańtar, 2021

Byltyr Nur-Sultan qalasy boıynsha MÁMS úshin 27,7 mlrd teńgeden asa jarna aýdaryldy

28 ret kórsetildi

«Elordalyqtar 2020 jyly qańtar-jeltoqsan  aralyǵynda medısınalyq saqtandyrý úshin  27,7 mlrd teńgeden asa jarna aýdardy» – dep habarlaıdy Egemen.kz tilshisi «Áleýmettik medısınalyq saqtandyrý qory» KEAQ Nur-Sultan qalasy boıynsha fılıalynyń baspasóz qyzmetine silteme jasap.

Nur-Sultan qalasy boıynsha 2017 jyldyń 1 shildesi men 2020 jyldyń 31 jeltoqsany aralyǵynda medısınalyq saqtandyrý úshin  jınaqtalǵan jarnanyń jalpy somasy 58 mlrd teńgeden asady.

«2020 jyly qańtar-jeltoqsan  aralyǵynda medısınalyq saqtandyrý úshin elordalyqtar 27,7 mlrd teńgeden asa jarna aýdarǵan (onyń ishinde jeltoqsan aıynda – 3,3 mlrd teńge). Medısınalyq saqtandyrý qoryna jarna aýdarýda Nur-Sultan qalasy kóshbasynda deýge bolady.

Áleýmettik medısınalyq saqtandyrý qoryna túken barlyq  mindetti áleýmettik medısınalyq saqtandyrý jarnalary, ıaǵnı jınaqtalǵan qarjy, Ulttyq bankpen arada jasalǵan senimgerlik basqarý týraly kelisimshartqa sáıkes, Ulttyq bankte saqtalady da, Mindetti áleýmettik medısınalyq saqtandyrý paketi sheńberindegi qyzmetter aqysyn tóleýge jumsalady.», - deıdi «Áleýmettik medısınalyq saqtandyrý qory» KEAQ Nur-Sultan qalasy boıynsha fılıalynyń dırektory Nurlybek Qabdyqaparov.

Medısınalyq saqtandyrý qory pasıentter quqyǵyn qorǵaıdy. Sondyqtan azamattardy mobıldi qosymshalarda óz derekterin tekserýge jáne sáıkessizdikter anyqtalǵan jaǵdaıda Qordyń elordalyq fılıalyna habarlaýǵa shaqyramyz. Sondaı-aq, 1406 telefonyna nemese Qoldau 24/7 mobıldi qosymshasy arqyly baılanysýǵa bolady.

Áleýmettik medısınalyq saqtandyrý qorynyń Qoldau-24/7 mobıldi qosymshasy Android smartfondary úshin  Play Market arqyly, Apple smartfondary úshin  App Store arqyly júkteledi.

Azamattardan kelip túsken barlyq ótinishter óńdelip, tirkeý nómirimen ótinishter tizilimine túsedi. Turǵyndar tarapynan túsken ótinishterge monıtorıng júrgiziledi, qajet bolǵan jaǵdaıda belgilengen merzimde sheshim qabyldaý úshin saraptamalyq baǵalaýǵa jiberiledi. 

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar