Vedomstva basshysy áskerı qyzmetshilerdiń eleýli eńbegin jáne el qaýipsizdigi men qoǵamdyq tártipti qamtamasyz etýge qosqan úlesin atap ótti.
«29 jyl ishinde keshegi Ishki áskerler, búgingi Ulttyq ulan qurylýdyń kúrdeli jolyn basynan keshirip, memleketimizdiń ishki turaqtylyǵy men qoǵamdyq qaýipsizdiginiń kepili bola aldy. Ulandyq jaýyngerler óz mindetterin atqarý kezinde únemi batyldyq, erjúrektilik jáne janqııarlyq úlgilerin kórsetýde. Bul olardyń áskerı mindetterge degen adaldyǵynyń belgisi. Táýelsizdik alǵannan beri 214 ulandyq áskerı qyzmetshi memlekettik nagradalarmen marapattaldy. 2020 jyly áskerıler polısııa qyzmetkerlerimen birge tótenshe jaǵdaı rejımi jáne karantın sharalaryn qamtamasyz etýge belsendi tartyldy. Áli kúnge deıin karantın jaǵdaıyn qamtamasyz etý boıynsha qyzmetterin jalǵastyryp keledi. Kásibı mereke kúni Sizderge, týǵan-týysqandaryńyz ben jaqyndaryńyzǵa myqty densaýlyq, baqyt, qyzmette tabys tileımin!», - dedi quttyqtaý sózinde vedomstvo basshysy Erlan Turǵymbaev.
Ulttyq ulan Ardagerler keńesiniń tóraǵasy general-maıor Qalıaqpar Toqyshev óz sózinde Ulttyq ulan áskeriniń jaýyngerlik deńgeıi táýelsizdik alǵan jyldardan bastap joǵary bolǵanyn jáne áskerge zań aıasynda júktelgen mindetterdi laıyqty jáne biliktilikpen oryndaı alatynyn aıtty.
Mereke kúni Ishki ister mınıstriniń buıryǵymen 50, Ulttyq ulan Bas qolbasshysynyń buıryǵymen 150 áskerı qyzmetshi, 75 ardager men yqpaldastyq organdarynyń qyzmetkerleri marapattaldy.
Búginde Ulttyq ulannyń áskerı qyzmetshileri qoǵamdyq tártipti qamtamasyz etip, mańyzdy memlekettik nysandar men qylmystyq-atqarý júıesiniń mekemelerin kúzetedi, tabıǵı apat zardaptaryn joıý boıynsha sharalarǵa qatysady. Sonymen qatar zańda júktelgen basqa da mindetterdi oryndaý boıynsha qyzmetter atqarady.
