Osy lekte oblys ákimi Amandyq Batalov ta óz tańdaýyn jasady. Aımaq basshysy Taldyqorǵan qalasy I.Jansúgirov atyndaǵy Mádenıet saraıynda ornalasqan № 974 saılaý ýchaskesine keldi. Negizinen bir mezette daýys berýshiler qatary oblys ortalyǵynda kóp boldy. Derek boıynsha, Taldyqorǵanda 58 saılaý ýchaskesi bar bolsa, elektorat qatarynda 129 641 adam tirkelgen eken. Onyń ishinde 187 adam úıden daýys berýge ótinish bildiripti.
Al Jambyl aýdanyndaǵy 77 saılaý ýchaskesinde 103 490 saılaýshy óz tańdaýyn jasap, daýys bergen.
- Men elimizdiń bolashaǵyn aıqyndaýǵa úlesimdi qosyp, óz tańdaýymdy jasadym. Biz Táýelsizdik alǵan 30 jyldyń ishinde Qazaqstannyń ýaqyt kóshimen birge qarqyndy damydy. Búginde álem halyqtary bizdiń eldi beıbitshilik pen dostyqtyń mekeni dep sanaıdy. Elimizdiń áleýmettik-ekonomıkalyq damýy, halyqtyń turmys-tirshiligi jyl saıyn jańa beleske kóterilýde. Barsha otandastardy, jerlesterdi saılaýǵa qatysyp, óz tańdaýyn jasaýǵa shaqyrdym, deıdi Jambyl aýdandyq ardagerler alqasynyń tóraǵasy Jumabek Chajabaev .
Aıtpaqshy, Jetisýdaǵy qart saılaýshy Sarqan aýdanynda turady eken. Saılaý kúni 109 jastaǵy Altyn áje de óz tańdaýyn jasady. Qarııanyń úıden daýys berýine jaǵdaı jasap, kóshpeli jáshik ákelgen saılaý komıssııasynyń ókilderine batasyn bergen óńirdiń qart turǵyny Altynhan Beldeýbaı;
- Osyndaı beıbit kúndi halqymyz kóp ańsadyq. Endi osy táýelsizdikti baǵalaýymyz kerek. Meniń jasym júzden asyp ketse de, eshqashan saılaýdan tys qalǵan emespin, saılaýǵa ár azamattyń barýy mindetti. Saılaýda elimizdiń bolashaǵy sheshiletin kún, oǵan beı-jaı qaramaǵan jón. Elimiz aman jurtymyz tynysh, ár otbasyna bereke-birlik tileımin6dedi.
