QR Ortalyq saılaý komıssııasynyń dereginshe, astana ýaqytymen saǵat 20-00-de elimizdiń 12 óńirinde, al saǵat 21-00-de 5 óńirde saılaý ýchaskeleri jabyldy. Osylaısha, kezekti saılaý naýqanyna oraı ashylǵan 12 óńirdegi 8 141, 5 óńirdegi 1 853 saılaý ýchaskesi jumysyn aıaqtady.
Sonymen qatar Qazaqstannyń 53 shet memlekettegi ókildikteri janynan ashylǵan 66 saılaý ýchaskesiniń 10-ynda saılaýshylar óz daýystaryn berip boldy. Qazirgi ýaqytta ýaqyt beldeýine baılanysty qalǵan elderde daýys berý jalǵasyp jatyr.
11 qańtar kúni Nur-Sultan ýaqytymen tańǵy saǵat 07:00-de Amerıka Qurama Shtattary men Kanadadaǵy Qazaqstan azamattary daýys berýdi aıaqtaıtyn bolady.
Aıta keterligi, oblystardyń, respýblıkalyq mańyzy bar qalalardyń, astananyń saılaý komıssııalary usynǵan málimetterge sáıkes, saǵat 20-00-degi jaǵdaı boıynsha saılaý bıýlletenderin tizimge engizilgen saılaýshylardyń jalpy sanynyń 63,1 paıyzy aldy.
