Kollajdy jasaǵan Amangeldi Qııas, «EQ»
Áýejaı qyzmetkerleri SJ182 reıs komandıri apattyq jaǵdaıǵa qatysty eshqandaı belgi bermegenin málimdedi. Flightradar aqparatyna súıensek, 3 myń metr bıiktikke kóterilgen áýe kemesimen 4 mınýttan keıin baılanys úzilgen.
Indonezııanyń Kólik mınıstri Býdı Karıa Sýmadı aqparatty rastap, borttyń Male aralynyń mańynda qulaǵanyn habarlady. Sol túni ásker 23 metr tereńdikten ushaqty tapty.
Apatqa ushyraǵan ushaq alǵashqy reısin 1994 jyly jasaǵany belgili boldy. Iаǵnı ushaq 27 jyl boıy paıdalanylyp kelgen.
Borttaǵy Pontıanak qalasyna bet alǵan 50 jolaýshy qaza boldy. Jolaýshylardyń ony – bala.
Oqıǵaǵa kýá bolǵan jergilikti balyqshylardyń biri BBC arnasyna suhbat berip, mán-jaıdy aıtyp bergen. Solıhın degen azamattyń aıtýynsha, ushaq birneshe sekýnd ishinde qulaǵan. «Naızaǵaı jarqylyndaı tez boldy. Mán-jaıdy túsinip úlgermedik. Ushaq Iаva teńizine qulaı sala jaryldy. Apat óte jaqyn jerde boldy. Tipti ushaqtyń keı bólikteri bizdiń keme mańyna qulady», deıdi.
Qazir Indonezııanyń Ulttyq izdeý-qutqarý agenttigi izdeý jumystaryn júrgizip jatyr. Áýe kemesi radarda sońǵy ret Iаva teńizi mańynda kóringen. Boeing 737-500 ushaǵy Djakartadan Pontıanak qalasyna baǵyt alǵan. Jolaýshylar tizimi áli jarııalanǵan joq. Sonymen qosa Sriwijaya Air kompanııasy ushaqta sheteldik jolaýshylardyń bolǵan-bolmaǵany týraly habar bermeı otyr.
Memleket basshysy Qasym-Jomart Toqaev Indonezııa prezıdenti Djoko Vıdodoǵa kóńil aıtý jedelhatyn joldady.
