Jedel-izdestirý is-sharalarynyń nátıjesinde kúdikti retinde 1967 jáne 1977 jyly týǵan eki áıel anyqtaldy. Turaqty jumysy joq olar Qyzylorda qalalyq Polısııa basqarmasyna jetkizilip, kinásin tolyq moıyndady.
Kúdiktilerge qatysty eshqaıda ketpeý jáne tıisti minez qulyq túrindegi bultartpaý sharasy qoldanylǵan.
Sotqa deıingi tergep - tekserý nátıjesimen qylmystyq is boıynsha dáleldemeler tolyq jınaqtalyp, Qazaqstan Respýblıkasynyń Qylmystyq-prosestik kodeksiniń 300-babynyń (Aıyptaý aktisin jáne qylmystyq isti prokýrorǵa jiberý) talabyna sáıkes adamdar tobynyń aldyn ala sóz baılasýy arqyly jasaǵan alaıaqtyq deregimen sotqa joldanǵan.
Qyzylorda qalalyq sotynyń osy jylǵy 3 qańtardaǵy úkimimen aıyptalýshylardyń birine qatysty 1 jylǵa bas bostandyǵynan aıyrý túrinde sheshim shyǵaryldy. Ekinshi kúdikti áıeldiń isi sotta qaralýda.
