Sport • 11 Qańtar, 2021

Rahat Bekbolat úzdik dep tanyldy

271 ret
kórsetildi
1 mın
oqý úshin

Otandyq Vesti.kz saıtynyń oqyrmandary 2020 jyldyń eń úzdik sportshylaryn anyqtady. Daýys berýshilerdiń deni ziltemirshi Rahat Bekbolatty qoldaǵan eken. 

Rahat Bekbolat úzdik dep tanyldy

Qyzylorda oblysynyń ókili jaıynda biz alǵash ret ótken jyldyń aqpan aıynda Tashkentte jalaýy jelbirgen jastar arasyndaǵy Azııa birinshiliginde estigen edik. О́zbekstannyń bas shaharynda 102 kılo salmaq dárejesinde óner kórsetken 16 jasar Rahat Bekbolat bas júldeni oljalaýmen shektelip qalmaı, álemdik rekordty da jańartty. Sol jarysta ol dańqty Ilıa Ilınniń kórsetkishinen de asyp túsken edi. Al qarasha aıynda uıymdastyrylǵan álem kýbogynda qazaqtyń asa daryndy ziltemirshisine taǵy de teń keler eshkim tabylmady.

Sondaı-aq, úzdik bestiktiń qataryna fýtbolshy Bahtıer Zaınýtdınov, hokkeıshi Darren Dıs, kásipqoı boksshy Gennadıı Golovkın jáne aralas jekpe-jek sheberi Shavqat Rahmonov syndy sańlaqtar endi.