Mysaly, tústi metallýrgııada óndiris kólemi 2,8% - ǵa ósti. Qazaqstandaǵy eń iri mys óndirýshi "Qazaqmys korporasııasy" tazartylǵan mys óndirý kólemin 5% - ǵa, quıma altyndy 35% - ǵa, sondaı-aq túıirshikti kúmisti 17% - ǵa ulǵaıtty.
Sonymen qatar, "Qazaqstan elektrolız zaýyty" bastapqy alıýmınıı óndirisiniń kólemin ulǵaıtty. "Taý-Ken Altyn" kásiporny da oń kórsetkishterge qol jetkizdi. О́ndiris oshaǵy tazartylǵan altyn óndirý kólemin 4% - ǵa, kúmis óndirý kólemin 46,7% - ǵa ulǵaıtty. Esterińizge sala keteıik, kásiporyn óz ónimderiniń joǵary sapasyn taǵy bir márte dáleldep, senimdi jetkizýshi retinde álemdik moıyndaýǵa ıe boldy. Tazalyǵy 99,99% - dan kem emes altyn óndiretin affınaj zaýyty London baǵaly metaldar naryǵy qaýymdastyǵynyń "GoodDelivery" sertıfıkatyn aldy. Osy sertıfıkaty bar baǵaly metaldar shekteýsiz barlyq álemdik bırjalarda saýdaǵa qabyldanady.
12 aıdyń qorytyndysy boıynsha qara metallýrgııada ósim 4,1% - dy qurady. Qostanaıdaǵy "Evraz Kaspıan Stal" zaýyty armatýralyq jaıma óndirisiniń kólemin 7% - ǵa ulǵaıtty. Armatýralyq jaıma memlekettik standarttarǵa sáıkes shyǵarylady. О́nimniń sapasy zaýyttyń synaq zerthanasynda jańa tehnologııalyq jabdyqtarmen jáne baqylaýmen qamtamasyz etiledi.
Sondaı-aq, "Taraz metallýrgııa zaýyty" ferrosılıkomarganes óndirisiniń kólemin 27% - ǵa, "Kastıng" JShS armatýralardy, sharlardy jáne domalaq shybyqtardy taýarlyq shyǵarýdy 4,2% - ǵa ulǵaıtty.
