Qoǵam • 11 Qańtar, 2021

Maqta salasyn damytýǵa arnalǵan jańa zań qabyldandy

65 ret kórsetildi

О́tken aptada Prezıdent Qasym-Jomart Toqaev «Qazaqstan Respýblıkasynyń keıbir zańnamalyq aktilerine maqta salasy máseleleri boıynsha ózgerister engizý jáne «Maqta salasyn damytý týraly» Qazaqstan Respýblıkasy Zańynyń kúshi joıyldy dep taný týraly» Qazaqstan Respýblıkasynyń Zańyna qol qoıdy. Jańa qujat artyq ákimshilik kedergilerdi joıýǵa jáne maqta salasynyń ınvestısııalyq ahýalyn saýyqtyrýǵa baǵyttalǵan, dep habarlaıdy Egemen.kz.

Maqta salasyn damytý máseleleri jáne onyń toqyraý sebepteri taýar óndirýshiler ókilderiniń, ýákiletti memlekettik organdardyń, jergilikti bılik organdarynyń, Parlament depýtattarynyń qatysýymen ártúrli alańdarda birneshe ret talqylanǵan bolatyn. Nátıjesinde taraptar saladaǵy iskerlik belsendilikti tejeıtin qoldanystaǵy ákimshilik kedergiler men shekteýlerdi alyp tastaý qajettiligi týraly ortaq pikirge keldi.

Maqta qolhattary júıesiniń rettelýi negizgi quraldardyń kepiline shekteýler engizý saldarynan qarjy ınstıtýttary men maqta óńdeý uıymdary arasynda tarıhı qalyptasqan qatynastardyń joıylýyna jáne tıisinshe salanyń quldyraýyna alyp keldi.

Qalyptasqan jaǵdaıdy jaqsartý úshin jańa zańda maqta qolhattarynyń tıimsiz júıesin qaıta retteı otyryp maqta óńdeý uıymdarynyń qyzmetin lısenzııalaýdy jáne ony qamtamasyz etýge baǵyttalǵan sharalardy alyp tastaý usynylady.

Naqty aıtatyn bolsaq, jeti zańnamalyq aktiden: maqta óńdeý uıymdarynyń ákimshilik jaýapkershiligin, olardy taratýdyń erekshe tártibin, tıisti is júrgizý normalaryn jáne t.b. normalardy alyp tastaý usynylady.

Qabyldanǵan zań maqta salasyna qarjy ınstıtýttaryn tartýǵa jáne aýylda jumyspen qamtýdy ulǵaıtyp, salanyń negizgi kórsetkishterin kótere otyryp oń áleýmettik-ekonomıkalyq áser etedi.

Esterińizge salsaq, 2019 jyldyń qarasha aıynda elimizdiń maqta ósirýshilerimen kezdesý qorytyndysy boıynsha Aýyl sharýashylyǵy mınıstri Saparhan Omarov maqta salasynyń júıeli máselelerin sheshý boıynsha keshendi jumys bastaǵan bolatyn. Dıqandarǵa alǵashqy qoldaý retinde mınıstr ósimdik sharýashylyǵyndaǵy sýbsıdııalaý qaǵıdalaryna ózgerister engizý týraly shuǵyl buıryǵyn jarııalaǵan edi.

Sońǵy jańalyqtar

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

«Qaırat» – qola júldeger

Aımaqtar • 06 Naýryz, 2021

Teńiz kenishinde 5 avtobýs otqa orandy

Aımaqtar • 06 Naýryz, 2021

Kóktemdegi UBT 10-naýryzda bastalady

Bilim • 05 Naýryz, 2021

Almatyda «Jyl qusy-2021» kórmesi bastaldy

О́ner • 05 Naýryz, 2021

Ár sala úzdikterine qurmet tanytty

Aımaqtar • 05 Naýryz, 2021

Almaty taýlarynda qar kóshkini júredi

Ekologııa • 05 Naýryz, 2021

Baǵdat Mýsın Shymkentke bardy

Aımaqtar • 05 Naýryz, 2021

Almatyda gashısh satqan azamat ustaldy

Qoǵam • 05 Naýryz, 2021

Uqsas jańalyqtar