Qyzylorda oblysynyń Polısııa departamenti terrorıstik turǵydan osal obektilerdiń terrorızmge qarsy qorǵalýyn baqylaýdy uıymdastyrý boıynsha jumystardy udaıy júrgizip, olardyń basshylary men menshik ıelerine túsindirý jumystaryn da turaqty negizde júzege asyrady.
Qyzylorda oblysynda 2020 jyly terrorıstik turǵydan osal 9 obektiniń jaraqtalýy Qazaqstan Respýblıkasy Úkimetiniń 2015 jylǵy 3 sáýirdegi №191 qaýlysynyń jáne Qazaqstan Respýblıkasynyń “Terrorızmge qarsy is-qımyl týraly” Zańynyń talaptaryna sáıkes kelmegeni úshin olardyń basshylaryna jalpy somasy 2 mln. 611 myń 320 teńge kóleminde ákimshilik aıyppul salyndy.
“Qazaqstan Respýblıkasynda tekserýlerge jáne profılaktıkalyq baqylaý men qadaǵalaýdy baryp júrgizýge moratorıı engizý týraly” Qazaqstan Respýblıkasy Prezıdentiniń 2019 jylǵy 26 jeltoqsandaǵy №229 Jarlyǵynyń negizinde 2020 jylǵy 1 qańtardan bastap 2023 jylǵy 1 qańtarǵa deıin shaǵyn jáne mıkrokásipkerlik sýbektilerine tekserý toqtatyldy.
Terrorıstik turǵydan osal obektilerdiń terrorızmge qarsy qorǵalýynyń buzylýyna jol bermeý maqsatynda kúzet uıymdarynyń basshylary, menshik ıeleri jáne ókilderi mynadaı qujattardy zerdeleý boıynsha personalmen sabaqtar ótkizýdi qamtamasyz etý qajet:
Qazaqstan Respýblıkasynyń “Terrorızmge qarsy is-qımyl týraly” Zańy;
“Terrorıstik turǵydan osal obektilerdiń terrorızmge qarsy qorǵalý júıesine qoıylatyn talaptardy bekitý týraly” Qazaqstan Respýblıkasy Úkimetiniń 2015 jylǵy 3 sáýirdegi № 191 qaýlysy;
“Qazaqstan Respýblıkasynyń keıbir zańnamalyq aktilerine qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl máseleleri boıynsha ózgerister men tolyqtyrýlar engizý týraly” Qazaqstan Respýblıkasynyń 2020 jylǵy 13 mamyrdaǵy №325-VI Zańy;
Terrorıstik akt týyndaǵan kezdegi terrorıstik turǵydan osal obektilerdiń basshylary men personaldarynyń is-áreketi boıynsha jadynama.
