Qoǵam • 12 Qańtar, 2021

Qoldaý-dyń kómegi kóp

23 ret kórsetildi

Elimizdiń eń iri qarjy orta­lyǵy sanalatyn Almatyda Qoldaý kásipkerlik ortalyǵy 2020 jyly 90 myńǵa jýyq keńes beripti. 12,2 mlrd teńge bólinipti. Qysqasy, kásipkerlerdiń qoldaýsyz qalmaǵanyn aıtady qalalyq kásip­kerlik jáne ınvestısııa basqarmasynyń basshysy Erkebulan Orazalın.

Basqarma basshysynyń aıtýynsha, shahar bıznesin damytýda «Almaty Business-2025» aımaqtyq kásipkerlikti damytý baǵdarlamasynyń ma­ńy­zy óte zor. Baǵdarlama bız­nes­­pen jumys isteýdiń bes ne­giz­gi ınstıtýsıonaldy ba­ǵy­tyn qamtıdy. Onyń qura­my­na Qoldaý kásipkerlik orta­lyǵyn, nesıe berý úshin jeke jáne mıkroqarjy ınstı­týt­taryn qurý, Almaty qa­lasy aýmaǵynda óndiristik park­terdi uıymdastyrý, keıbir ká­sip­kerlerge jeke ári shaǵyn ón­diris­terin uıymdastyrýlary úshin jeńildetilgen nesıe usyný enedi.

Spıkerdiń aıtýynsha, pan­demııaǵa qaramastan nesıeleý kólemi artqan, ınfra­qurylym damı túsken, shahar basshylyǵy jumys ornyn saqtaý men kásip­kerlerge kó­mek kórsetý boıynsha aýqym­dy jumys atqarǵan.

«Búginde jalpy somasy 42 mlrd teńgeni quraıtyn 52 joba boıynsha keńester berildi. «Bir tereze» qaǵıdaty boıynsha 500-den astam ruqsat qujattary usy­nyldy. Ortalyqta ShOB ókilderine óz bıznesin damytýǵa qatysty túrli memlekettik organdar men uıymdardan ruqsat qujattaryn alý úshin tegin qoldaý kórsetiledi, sonymen qatar túrli qarjy ınstıtýttarynda qarjyny jeńildikpen alýlaryna kómektesedi. Biz oryn alǵan kemshilikterdi jo­ıyp, isterin jańadan bas­taǵan kásipkerlerge 5 mln-ǵa deıingi kólemde granttar berdik. Olar grant alǵannan keıingi alǵash­qy kezeńde óz bıznesterin tegin júrgize alady. Ekinshi kezeń­de bıznes-josparlardy ázirleý boıynsha ári zańgerlik jáne býhgalterlik keńester kór­setiledi. Eger ekinshi kezeńde óz bıznesterin durys júrgizip, ony keńeıtýdi qalasa, onda olar bizdiń shaǵyn qarjy ıns­tıtýttarymyzǵa júginip, 6 p­a­ıyz­dyq mólsherlememen jeńildetilgen nesıe alýlaryna bolady», dedi E.Orazalın.

Onyń aıtýynsha, bul ıns­tıtýttar Almaty qalasy áki­miniń tike­leı tapsyrmasy boıynsha jergilikti bıýdjet qarjysy esebinen granttar kólemin ul­ǵaıtý aıasynda qosymsha eko­júıemen qam­tylady.

Jalpy, bızneske qarjy­laı qoldaý kórsetýge 12,2 mlrd teńge bólingen. Qarjy­lan­dyrýdy «Almaty Finance» nesıe­lik uıymy jáne «Almaty» MQU júzege asyrady. «Almaty Finance» 500 mln teńgege deıin iri jáne orta jobalarǵa nesıe berýdi qarastyrady. «Almaty» sha­ǵyn jáne mıkrobıznes­ke baǵyttalǵan ári munda nesıeniń eń joǵarǵy mólsheri 70 mln teńge deńgeıinde belgilengen. Jalpy alǵanda 40-tan astam jobaǵa nesıe berilipti.

Instıtýttar pandemııa­ ke­­­zin­de dári-dármek­pen qam­­tamasyz etýdi turaq­ta­n­­­dy­rý prosesterine de qatys­qan. Bólingen 12,2 mlrd teńge­niń 4 mlrd teńgesi Alma­ty­ qalasyndaǵy iri dıs­trı­bıýt­erlik kompanııa­larǵa, medı­sınalyq zattar men dári-dár­mekterdi jetkizýshilerge berilgen.

«О́ndiristik parkterdi uıym­dastyrý tetigi de oı­daǵydaı jumys isteı bastady. Osy oraı­da maqsat qalalyq ákimdik iri bızneske bos ǵımarattar men qu­rylystardy qalpyna kel­tirýge nemese jańa oryn salýy úshin 6 paıyzben je­ńil­detilgen nesıe beredi. Mun­­da osy jobaǵa qosymsha re­tinde óndiristik parkter re­zıdentteriniń jylyna 2 pa­ıyzdyq mólsherlememen nesıe berý múmkindigi qaras­tyrylǵan. Bul – elimizde balamasy joq aksııa. Biz búgingi kúni osyndaı úsh jobanyń oıdaǵydaı jumys istep jatqanyn maq­ta­nyshpen aıta alamyz. Úsh joba tolyǵymen jabdyqtalǵan, isterin jańa bastaǵan kásip­kerler osy óndiristik oryndardy jalǵa aldy. Bulardan ózge, biz ın­dýstrııalyq aımaqta osyǵan uqsas óndiristik park­terdi qurý úshin jalpy ala­ńy 40 myń sharshy metr bolatyn 4 jer ýchaskelerin qosymsha bóldik. Barlyq qu­jattama, erejeler ázirlendi jáne qabyldandy. Búginde ındýstrııalyq aımaq­taǵy 4 ón­diris parkine áleýeti joǵary qatysýshylardan 50-den as­tam ótinish kelip tústi» dedi E.Orazalın.

Spıkerdiń aıtýynsha, 2020 jyly nesıelerdiń 70 paıyzy saýda men qyzmet kórsetý salasyna bólingen. Mańyzdysy sol, osy nesıeler arqyly bıznes aýqymy artty jáne qarjy aınalymy tolyqty.

 

ALMATY

 

Sońǵy jańalyqtar

Qazaqstanda et qymbattady

Qoǵam • Búgin, 15:10

Elimizde kıik sany kóbeıip keledi

Qazaqstan • Búgin, 14:41

ShQO-da elikti atqan brakoner sottaldy

Qoǵam • Búgin, 11:20

Uqsas jańalyqtar